ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޝަކުވާ ނިންމި ގޮތުގެ ބަޔާން (IM/CADR-4/2012)
February 19, 2013
ޝަކުވާ ނިންމި ގޮތުގެ ބަޔާން (IM/CADR-4/2012)
ޝަކުވާ ނަމްބަރު: IM/CADR-4/2012
ޝަކުވާ ހުށެހެޅި ތާރީޙް: 30 ސެޕްޓެމްބަރ 2012
ހުލާސާ: އެމްޑީޕީ ޤައުމީ މަޖްލިސް ޖަލްސާ ލައިވް ކުރުމުގައި ސަރުކާރު ބަދަލުކުރުމަށް ނިކުތުމަށް ވަޔަލަންސަށް ހިއްވަރުދީ ރައްޔިތުންގެ މަޖިލީހުގެ މެމްބަރު ތޯރިގް ދެއްކެވި ވާހަކަފުޅު ރާއްޖެ ޓީވީން 30 އޯގަސްޓް 2012ގެ 12:40 ން 12:46އަށް ބްރޯޑްކާސްޓްކޮށްފައިވުން.
ނިންމި ގޮތް: މަތީގައިވާ މައްސަލައާ ގުޅިގެން ހުށަހެޅުނު ކޮންޕްލެއިންޓްސް އެޖުޑިކޭޝަން ކޮމިޓީގެ ރިޕޯޓަށް ބަލާ ނަޒަރުކުރުމުން، ބުނެވިދިޔަ ވަގުތުތަކުގައި ރާއްޖެޓީވީ އިން ބްރޯޑްކާސްޓްކޮށްފައިވާ ކޮންޓެންޓަކީ ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފު ކޮންޓެއްޓެއްކަމަށް ކަނޑައަޅައި، ނަމަވެސް މީގެ ތެރެއިން ބައެއް މައްސަލަތަކުގައި ފާހަގަކޮށްފައިވާ ކޮންޓެންޓަކީ އެ ކޮންޓެންޓެއް ބްރޯޑްކާސްޓްކުރުމުގެ ސަބަބުން މިހާރުވެސް ރާއްޖެ ޓީވީއަށް ފިޔަވަޅު އަޅާފައިވާ ކޮންޓެއްޓެއްކަމާއި އަދި މީގެ ތެރެއިން ލައިވް ކަވަރޭޖްތައް ޝާމިލްވާ ކޮންޓެންޓަކީ އެ ފަދަ އެހެން ކޮންޓެންޓް ބްރޯޑްކާސްޓްކުރުމުގެ ސަބަބުން ބްރޯޑްކާސްޓްކުރުމުގެ ކޯޑް އޮފް ޕްރެކްޓިސް އާ ޚިލާފުވާ ކަންކަމުގައި އެކަންކަން އިސްލާޙްކުރުމަށް ރާއްޖެ ޓީވީއަށް ކުރިން އަންގާފައިވާ ކަންކަމަށް ވާތީ، ބުނެވިދިޔަ މައްސަލަތަކާ ގުޅޭގޮތުން ރާއްޖެ ޓީވީ އަށް އިތުރަށް ފިޔަވަޅެއް އަޅަން ނުފެންނަ ކަމަށް ނިންމައި، ނަމަވެސް ރާއްޖެ ޓީވީގެ ކޯޑް އޮފް ކޮންޑަކްޓާއި އެޑިޓޯރިއަލް ޕޮލިސީ ބްރޯޑްކާސްޓްކުރުމުގެ ސުލޫކީ މިންގަނޑާ ތައާރުޒުވާކަމަށް ފާހަގަކޮށްފައިވާތީ، ބްރޯޑްކާސްޓްކުރުމުގެ ޤާނޫނުގެ 44 ވަނަ މާއްދާގެ (ހ)ގެ (1) ގެ ދަށުން، ބްރޯޑްކާސްޓްކުރުމުގެ ސުލޫކީ މިންގަނޑާ ތައާރުޒުނުވާ ގޮތަށް ރާއްޖެ ޓީވީގެ ކޯޑް އޮފް ކޮންޑަކްޓާއި އެޑިޓޯރިއަލް ޕޮލިސީ އިސްލާޙުކުރުމަށް ރާއްޖެޓީވީއަށް އެންގުމަށް ކަނޑައަޅައި މައްސަލަ ބެލި ކޮމިޝަނުގެ ޖަލްސާގައި ބައިވެރިވި މެންބަރުންގެ އިއްތިފާޤުން ނިންމީއެވެ.
19 ފެބްރުއަރީ 2013