ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ބްރޯޑްކާސްޓިންގ ކޮމިޝަނުން އެކުލަވާލާފައިވާ ޤަވާއިދުތަކުގެ ފުރަތަމަ ޑްރާފްޓަށް ކޮމެންޓް ފޮނުވުމާ ބެހޭ
November 16, 2011
ނަންބަރު: 427-LCM/CIR/2011/1003
ސަރކިއުލަރ
ބްރޯޑްކާސްޓިންގ ކޮމިޝަނުން އެކުލަވާލާފައިވާ ޤަވާއިދުތަކުގެ ފުރަތަމަ ޑްރާފްޓަށް ކޮމެންޓް ފޮނުވުމާ ބެހޭ
އާންމު ފަރާތްތަކުގެ ލަފަޔާއި ޚިޔާލު ހޯދުމަށްޓަކައި، މި ކޮމިޝަނުން އެކުލަވާލާފައިވާ 12 ކަރުދާހެއްގެ ފުރަތަމަ ޑްރާފްޓް ކޮމިޝަންގެ ވެބްސައިޓް www.broadcom.org.mv އިން ލިބެން ހުންނާނެ ވާހަކަ އާންމުކޮށް އަންގާ އިޢުލާންކުރަމެވެ.
މި ކަރުދާސްތަކަކީ:
- ބްރޯޑްކާސްޓްކުރުމުގެ ޤަވާއިދު
- ބްރޯޑްކާސްޓްކުރުމުގެ ޚިދުމަތްދޭ ފަރާތްތަކުން ނަގާ ފީގެ ތާވަލު
- ޖޫރިމަނާ ފީގެ ތާވަލު
- އިޝްތިހާރު ކުރުމުގެ މިންގަނޑު
- ބްރޯޑްކާސްޓްކުރުމުގެ ސުލޫކީ މިންގަނޑު
- ޤުދުރަތީ ކާރިޘާތަކާއި ހިތާމަވެރި ހާދިސާތަކާއި ޚާއްސަ ހާލަތްތައް ކަވަރުކުރުމުގައި ގެންގުޅެންވީ މިންގަނޑުތައް
- ބްރޯޑްކާސްޓްކުރުމުގައި ކުޑަކުދިން ހިމާޔަތް ކުރުމަށްޓަކައި ގެންގުޅެންވީ މިންގަނޑު
- ބްރޯޑްކާސްޓް ކުރުމުގައި އަންހެނުންގެ ޙައްޤުތައް ހިމާޔަތް ކުރުމަށްޓަކައި ގެންގުޅެންވީ މިންގަނޑުތައް
- ރޭޑިއޯ/ޓީވީ ބްރޯޑްކާސްޓިންގއަށް ފްރީކުއަންސީ ދޫކުރުމުގެ ޤަވާއިދު
- ޝަކުވާ ހުށަހެޅުމާއި ޝަކުވާ ބަލައިގަތުމުގެ ނިޒާމް
- ޝަކުވާ ހުށަހެޅުމާއި ޝަކުވާ ބަލައިގަތުމުގެ މަރުޙަލާތައް ބަޔާންކުރާ ޗާޓް
- ޝަކުވާ ހުށަހެޅުމާއި ޝަކުވާ ބަލައިގަތުމުގެ ފޯމު
ޚިޔާލު ހުށަހަޅުއްވަން ބޭނުންފުޅުވާ ފަރާތްތަކަށް ލިޔުމުން މި ކޮމިޝަނަށް ޚިޔާލު ހުށަހެޅުމުގެ ފުރުސަތު ވަނީ ހުޅުވާލެވިފައެވެ. މީގެ އިތުރުން ކޮމިޝަންގެ އީމެއިލް އެޑްރެސްcomment@broadcom.org.mv މެދުވެރިކޮށް ޚިޔާލު ހުށަހެޅުމުގެ ފުރުޞަތު ވެސް އޮތް ކަމަށާއި، ހުށަހަޅުއްވާ ޚިޔާލު ހުށަހެޅުއްވުމުގެ އެންމެ ފަހު ތާރީޚަކީ މިހިނގާ ނޮވެމްބަރ މަހުގެ 30 ވާ ބުދަ ދުވަހުގެ 16:00 ކަމުގައި ދަންނަވަމެވެ.
20 ޛުލްޙިއްޖާ 1432
16 ނޮވެމްބަރ 2011