މޯލްޑިވްސް ބްރޯޑްކާސްޓް އެވޯޑްސް 2022

---

ބްރޯޑްކާސްޓިން ދުވަސް ފާހަގަ ކުރުމުގެ ގޮތުން ބޭއްވި “ވިޝަން އޮފް ދަ ފިއުޗާ” ކުރެހުމުގެ މުބާރާތް ރައީސުލް ޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު ޝަރަފުވެރިކޮށްދެއްވައިފި

January 29, 2025

‎ބްރޯޑްކާސްޓިން ދުވަސް ފާހަގަ ކުރުމުގެ ގޮތުން ބޭއްވި “ވިޝަން އޮފް ދަ ފިއުޗާ” ކުރެހުމުގެ މުބާރާތް ރައީސުލް ޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު ޝަރަފުވެރިކޮށްދެއްވައިފިއެވެ.

‎25 ޖެނުއަރީގައި ނެޝެނަލް އާޓް ގެލެރީގައި ބޭއްވި މި ރަސްމިއްޔާތުގައި މެޑަމް ސާޖިދާ މުހައްމަދު ވަނީ ވަނަތަކަށް އައި ހުރިހާ ދަރިވަރުންނަށް އިނާމް ދެއްވާފައި އެވެ.
‎ރަސްމިއްޔާތުގައި ބައިވެރިންނާއި މުހާތަބުކޮށް ވާހަކަފުޅު ދައްކަވަމުން މެޑަމް ސާޖިދާ ވަނީ ބްރޯޑްކާސްޓަރުންނަށް މުހިއްމު މެސެޖެއްވެސް ދެއްވާފައެވެ.
‎”މިއަދު ހުރިހާ މީޑިއާތަކަށް އަޅުގަނޑު ގޮވާލަނީ، ޒިންމާދާރު ގޮތުގައި ކަމަށް ކެމޭ ހީކޮށްގެން މީޑިއާތަކުގެ މަސައްކަތްތަކާއި ނޫސްވެރިކަން ކުރެއްވުން،” ސާޖިދާ ވިދާޅުވި އެވެ.
‎މީގެ އިތުރަށް މީޑިއާތަކުން ކޮންޓެންޓު އުފެއްދުމުގައި ސަމާލުވާން ޖެހޭ ބައެއް ކަންތައްތަކަށް ވެސް މެޑަމްގެ ވާހަކައިގައި އަލިއަޅުވާލެއްވެވި އެވެ.
‎”އޭގައި ބޭނުންކުރާ ކޮންޓެންޓަކީ ބަހުގެ ހަމަތަކާ އެއްގޮތަށް ތައްޔާރުކުރެވޭ އެއްޗަކަށް ހެއްދެވުމަށް ގޮވާލަން. ވަކިން ހާއްސަކޮށް އަޅުގަނޑުމެންގެ މި ހީނަރުވެގެންދާ އިޖުތިމާއީ ފޭރާން ރަނގަޅުކޮށް، އާރޯކަން ގެނައުމަށް ތައްޔާރުކުރެވޭ އެއްޗަކަށް ހެއްދެވުން.” ސާޖިދާ ވިދާޅުވި އެވެ.
‎މީގެ އިތުރަށް ރައީސްގެ އަނބިކަނބަލުންވަނީ، ބްރޯޑްކާސްޓިންގެ ހިދުމަތަކީ، ރާއްޖޭގެ ތާރީހުގައި ވަރަށް ފަހުރުވެރި ހިދުމަތެއްގެ ގޮތުގަ ސިފަކުރައްވާފައެވެ.
‎އެގޮތުބް އެކަމަނާ ވަނީ، ބްރޯޑްކާސްޓިން ހިދުމަތުގެ ސަބަބުން ފޫހިކަމާއި މާޔޫސްކަން ދުރުކޮށްދީ، ހިތްތަކަށް އުފާވެރިކަން ގެނެސްދީ، ދީނުގެ މަތިވެރި އުސޫލުތަކާއި އަހުލާގު އުނގަންނައިދީ، ބަހާއި ތާރީހާއި ސަގާފަތާއި އާދަކާދަތައް ދަސްކޮށްދީ،ސިއްހަތާއި މަސައްކަތްތެރިކަމާއި ފަންނުވެރިކަމާ ގުޅޭ މައުލޫމާތުތަކަށް އަހުލުވެރިކޮށްދީ،ދަތުރުވެރިންގެ ހަބަރު އާއިލާތަކަށް ފޯރުކޮށްދޭ ކަމުގައި ވިދާޅުވެފައެވެ. އަދި
‎ރާއްޖޭގައި ހިނގާދިޔަ ހާދިސާތަކުގައި ބްރޯޑްކާސްޓަރުން އަދާކުރި މުހިންމު ދައުރު ވެސް މެޑަމް ސާޖިދާ ވަނީ ފާހަގަކުރައްވާފަ އެވެ.
‎”ނަސްރުގެ ދުވަހުގެ ހާދިސާ، އެނަމާ ބޯޓުގެ ކާރިސާ އަދި ސުނާމީ ކާރީސާ. މިފަދަ ކޮންމެ ވަގުތެއްގައި ވެސް ބްރޯޑްކާސްޓިން ދާއިރާ އޮންނަނީ ވަރަށް އަވަދިނެތި،” ސާޖިދާ ވިދާޅުވި އެވެ.
‎ދިރާސާތަކެއްގެ އަލީގައި މެޑަމް ސާޖިދާ ފާހަގަކުރެއްވީ ދުނިޔޭގައި ބްރޯޑްކާސްޓިންގެ ދާއިރާ ވަޅުޖެހެމުންނުދާ ކަމަށެވެ.
‎”ފޭސްބުކް، ޔޫޓިއުބް، ޓިކްޓޮކް، މިހެން ގޮސް އެތައް މަންސައެއް މިހާރު ތަންކޮޅެއް ހަރަކާތްތެރިކޮށް ފެނުނަސް، ރޭޑިއޯ އަދި ޓީވީގެ ދައުރު އެ މަންސަތަކަކަށް އެގޮތަށް އަދާނުކުރެވޭ،” ސާޖިދާ ވިދާޅުވި އެވެ.

‎”އެހެންވީމަ ޓީވީ، ރޭޑިއޯއަކީ އެ ޒަމާނުގެ ވެސް އެއްޗެއް އަދި މި ޒަމާނުގެ ވެސް އެއްޗެއް.”
‎ބްރޯޑްކާސްޓް މީޑީއާގެ މުހިންމުކަން ފާހަގަކޮށް އެކަމަނާ ވަނީ ކުޑަކުދިންގެ މެދުގައި އެ ދާއިރާގެ ޝައުގުވެރިކަން އުފެއްދުމަކީ ވެސް ވަރަށް މުހިންމު ކަމެއް ކަންވެސް ފާހަގަކުރައްވާފައެވެ.