ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ފީފާ ވޯލްޑް ކަޕްގެ ބްރޯޑްކާސްޓިންގ ރައިޓްސްގެ މައުލޫމާތު ކޮމިޝަނާއި ހިއްސާކުރުމަށް ހުރިހާ ބްރޯޑްކާސްޓަރުން އަދި ރީބްރޯޑްކާސްޓަރުންނަށް އަންގައިފި
April 30, 2014
ފީފާ ވޯލްޑް ކަޕްގެ ބްރޯޑްކާސްޓިންގ ރައިޓްސްގެ މައުލޫމާތު ހިއްސާކުރުމަށް ހުރިހާ ބްރޯޑްކާސްޓަރުން އަދި ރީބްރޯޑްކާސްޓަރުންނަށް މޯލްޑިވްސް ބްރޯޑްކާސްޓިންގ ކޮމިޝަނުން އަންގައިފިއެވެ.
ތިރީގައި މިވަނީ ކޮމިޝަނުން މިކަމާ ގުޅިގެން ނެރެފައިވާ އިޢުލާނެއެވެ.
“ފީފާ ވޯލްޑް ކަޕް އަކީ ބްރޯޑްކާސްޓްކުރުމުގެ ޤަވާއިދުގެ 35 ވަނަ މާއްދާ އަދި ރީބްރޯޑްކާސްޓްކުރުމުގެ ޤަވާއިދުގެ 38 ވަނަ މާއްދާގައި ބަޔާންކުރާ ފަދައިން، ލިސްޓެޑް އިވެންޓެއްގެ ގޮތުގައި މި ކޮމިޝަނުން 25 އޭޕްރިލް 2012 ގައި ކަނޑައަޅައިފައިވާ އިވެންޓެކެވެ.
“2014 ވަނަ އަހަރުގެ ފީފާ ވޯލްޑް ކަޕް ރާއްޖޭގައި ބްރޯޑްކާސްޓްކުރުމުގެ ރައިޓްސް އެއްވެސް ބްރޯޑްކާސްޓަރަކު ނުވަތަ ރީބްރޯޑްކާސްޓަރަކު މިހާތަނަށް ހޯދައިފައިވާ ނަމަ އެ ހޯދި ރައިޓްސްއަކާ ބެހޭ މައުލޫމާތު 4 މެއި 2014 ވާ އާދީއްތަ ދުވަހުގެ ކުރީން މި ކޮމިޝަނަށް ލިޔުމުން އެންގެވުން އެދެމެވެ. އަދި 2014 ވަނަ އަހަރުގެ ފީފާ ވޯލްޑް ކަޕްގެ ބްރޯޑްކާސްޓިންގ/ރީބްރޯޑްކާސްޓިންގ ރައިޓްސް މީގެ ފަހުން ވެސް ހޯއްދަވާ ނަމަ، އެ ރައިޓްސް ހޯއްދަވާ ތާރީޚަކުން ފެށިގެން ބަންދު ނޫން 3 ދުވަހުގެ ތެރޭގައި އެ މައުލޫމާތު މި ކޮމިޝަނަށް ލިޔުމުން އެންގެވުން ވެސް އެދެމެވެ.
“އަދި މިގޮތުން ހޯދާ ރައިޓްސްގެ މައުލޫމާތު މި ކޮމިޝަނާ ލިޔުމުން ޙިއްސާކުރާއިރު، ރައިޓްސް ދޫކުރި ފަރާތް، ރައިޓްސް ހޯދި ތާރީޚް އަދި ރައިޓްސް ހޯދާފައި ވަނީ ކޮން މީޑިއަމް އަކުން އިވެންޓް ބްރޯޑްކާސްޓް/ރީބްރޯޑްކާސްޓްކުރުމަށް ކަން ހިމަނަންވާނެކަން ވެސް ދެންނެވީމެވެ.“