ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޓެލެވިޜަން މޯލްޑިވްސްގެ އަހަރީ ދުވަހުގެ މުނާސަބާތުގައި ކޮމިޝަނުން ތަހުނިޔާ ދަންނަވައިފި
March 29, 2015
ޓެލެވިޜަން މޯލްޑިވްސްގެ އަހަރީ ދުވަހުގެ މުނާސަބާތުގައި މޯލްޑިވްސް ބްރޯޑްކާސްޓިންގ ކޮމިޝަނުން ތަހުނިޔާ ދަންނަވައިފިއެވެ.
ތިރީގައި މިވަނީ ކޮމިޝަނުން ޓެލެވިޜަން މޯލްޑިވްސް އަށް ފޮނުވި ސިޓީގެ މުޙިއްމު ބައިތަކެވެ.
” ޓެލެވިޜަން މޯލްޑިވްސްގެ އުފާވެރި އަހަރީ ދުވަހުގެ މުނާސަބަތުގައި، މޯލްޑިވްސް ބްރޯޑްކާސްޓިންގ ކޮމިޝަނުގެ ހުރިހާ ކޮމިޝަނަރުންނާއި މުވައްޒަފުންގެ ނަމުގައި ޓެލެވިޜަން މޯލްޑިވްސްގެ މެނޭޖްމަންޓާއި މުވައްޒަފުންނަށް ނުހަނު އިޚުލާސްތެރިކަމާއެކު ތަހުނިޔާ އާއި މުބާރަކުބާދު އަރިސްކުރަމެވެ.
” މި ވޭތުވެދިޔަ ދިގު މުއްދަތުގައި ޓެލެވިޜަން މޯލްޑިވްސް އިން ރައްޖޭގެ ރައްޔިތުން ހޭލުންތެރިކުރުމަށާއި، މަޢުލޫމާތާއި ޚަބަރު ފެތުރުމުގައި ތިޔަ ފަރާތުންކޮށްދެއްވާފައިވާ ގިނަގުނަ ޚިދުމަތުގެ އަގުވަޒަން ކުރާކަމުގައި މި ފުރުސަތުގައި ދަންނަވަމެވެ.”