ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
އަގު ފާސްކުރުމުގެ ކުރީން ޚިދުމަތަށް އަގު ނުނެގުން
June 30, 2014
ނަންބަރު : (IUL)427-LCM/1/2014/40
އިއުލާން
އަގު ފާސްކުރުމުގެ ކުރީން ޚިދުމަތަށް އަގު ނުނެގުން
“އައިސްޓީވީ” އަކީ އަގު ނަގައިގެން ބްރޯޑްކާސްޓްކުރެވިދާނޭ ޗެނެލެއްގެ ގޮތުގައި މި ކޮމިޝަނުން ލައިސަންސް ދޫކޮށްފައިވާ ބްރޯޑްކާސްޓަރެކެވެ. ނަމަވެސް އެއްވެސް ރީބްރޯޑްކާސްޓަރަކު އެ ފަރާތެއްގެ ޚިދުމަތުގައި ދެއްކޭ ޗެނެލްތަކަށް އެ ފަރާތުން ނަގާ އަގުތަކަކީ ރީބްރޯޑްކާސްޓްކުރުމުގެ ޤަވާއިދުގެ 32ވަނަ މާއްދާގެ ދަށުން، މި ކޮމިޝަނަށް ހުށަހަޅައި ފާސްކުރަން ޖެހޭ އެއްޗެކެވެ.
ކަން މިހެން އޮތްއިރު، މިހާރު މީޑިއާނެޓް ގެ ފަރާތުން “އައިސް ޓީވީ އާ އެކު ބޯނަސް ސޮނީ6 އެޗް.ޑީ” ގެ ނަމުގައި -/100ރ. އަށް ވިއްކުމަށް މިހާރު އިޝްތިހާރު ކުރަމުންދާ ޕްރޮޑަކްޓް އަކީ މި ކޮމިޝަނަށް އަގު ފާސްކުރުމަށް އަދި ހުށަހަޅައިފައި ނުވާ އެއްޗެއް ކަމުގައި ދެންނެވީމެވެ.
ވީމާ، ޤާނޫނާއި ޤަވާއިދާ އެއްގޮތްވާ ގޮތުގެ މަތީން، މީޑިއާނެޓުން ދިނުމަށް އިޝްތިހާރުކުރާ ޕްރޮޑަކްޓްގެ އަގުތައް ކޮމިޝަނަށް ހުށަހަޅައި ފާސްކުރުމަށާއި އަގު ފާސްނުކޮށް އެއްވެސް ޕެކެޖެއް ތައާރަފްނުކުރުމަށް މީޑިއާނެޓަށް އަންގާފައިވާނޭކަން ކަސްޓަމަރުންގެ މައުލޫމާތަށްޓަކައި ދެންނެވީމެވެ.
02 ރަމަޟާން 1435
30 ޖޫން 2014