ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މޯލްޑިވްސް ބްރޯޑްކާސްޓް އެވޯޑްސް 2022
މޯލްޑިވްސް ބްރޯޑްކާސްޓް އެވޯޑްސް 2022
- މޯލްޑިވްސް ބްރޯޑްކާސްޓް އެވޯޑްސް ދިނުމުގެ އުޞޫލު
- މޯލްޑިވްސް ބްރޯޑްކާސްޓް އެވޯޑްސް އަށް ނަން ހުށަހަޅާ ފޯމު
- ޕްރޮޑަކްޝަން އެވޯޑުތައް
- ބްރޯޑްކާސްޓިންގ ދާއިރާގެ ވަކި ވަކި ފަރުދުންނަށް ދެވޭ އެވޯޑުތައް
- އިންޑަސްޓްރީ އެވޯޑުތައް
- މޯލްޑިވްސް ބްރޯޑްކާސްޓް އެވޯޑްސް އަށް އެންޓްރީ ހުށަހަޅާ މީހުންގެ ކުށުގެ ރެކޯޑު ބަލާ ފޯމް
“އަންދަލުސް” ދަރުސްގައި ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފް ކޮންޓެންޓެއް ނުހިމެނޭ ކަމަށް ކޮމިޝަނުން ނިންމަވައިފި
September 24, 2013
ޖަމީޢަތުއް ސަލަފުން ބޭއްވި “އަންދަލުސް” ދަރުސްގައި ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފް ކޮންޓެންޓެއް ނުހިމެނޭ ކަމަށް މޯލްޑިވްސް ބްރޯޑްކާސްޓިން ކޮމިޝަނުން ނިންމަވައި، އެކަން ރައްޔިތުންގެ މަޖިލީހަށް އަންގަވައިފި އެވެ.
ތިރީގައި މި ވަނީ މޯލްޑިވްސް ބްރޯޑްކާސްޓިން ކޮމިޝަނުން، ރައްޔިތުންގެ މަޖިލީހުގެ ރައީސަށް މިއަދު ފޮނުވި ސިޓީގެ މުހިންމު ބައިތަކެވެ.
“ޖަމީޢަތުއް ސަލަފުން ބޭއްވި “އަންދަލުސް” ދަރުސްގައި ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފް ކޮންޓެންޓެއް ނުހިމެނޭ ކަމަށް، އެ ކޮންޓެންޓް ބެއްލެވި މި ކޮމިޝަންގެ ބައްދަލުވުމުގައި ބައިވެރިވެވަޑައިގެންނެވި މެމްބަރުންގެ އަޣުލަބިއްޔަތުން ނިންމަވައިފައިވާ ވާހަކަ ދަންނަވަމެވެ.
“އަދި ދަންނަވަމެވެ. މޯލްޑިވްސް ބްރޯޑްކާސްޓިންގ ކޯޕަރޭޝަންގެ ޓީވީ އެމުން، އޭގެ ވަރަށް ބޮޑު ބައެއް، ވަގުތުން ފޮނުވާފައިވާ އެ ކޮންޓެންޓަކީ ރިޔާސީ ކެންޑިޑޭޓަކާ އިދިކޮޅަށް ކޮށްފައިވާ ކެމްޕޭނެއް ކަމަށް ދޭހަވާ ފަދަ ކޮންޓެންޓެއް ކަމަށް ހަވާލާ ދީފައިވާ ސިޓީގައި ބަޔާންކުރައްވައިފައިވާތީ، މިނިވަން މުއައްސަސާތަކާ ބެހޭ ކޮމިޓީގެ ސަބް ކޮމިޓީގައި ވެސް އެ ދުވަހު ދަންނަވާފައިވާނޭ ފަދައިން، މޯލްޑިވްސް ބްރޯޑްކާސްޓިންގ ކޯޕަރޭޝަނަކީ ވަކި ޤާނޫނަކުން ބާރު ލިބިގެން އުފެދިފައިވާ، އަދި ސީދާ ރައްޔިތުންގެ މަޖިލީހަށް ޖަވާބުދާރީވާންޖެހޭ މިނިވަން މުއައްސަސާއެއް ކަމަށް ވާތީ، އެންމެ ރަނގަޅު ގޮތަކީ، ބޭނުންފުޅު ނަމަ، ރައްޔިތުންގެ މަޖިލީހުން އެ މައްސަލަ ކުރިއަށް ގެންދެވުން ކަމަށް މި ކޮމިޝަނަށް ފެންނަ ވާހަކަ ދަންނަވަމެވެ.”