ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ރޭގެ މުޒާހަރާ ކަވަރުކުރަން އުޅުނު ރާއްޖެ ޓީވީގެ ޖާނަލިސްޓަކަށް ބަޔަކު ހަމަލާދިން މައްސަލަ ބްރޯޑްކާސްޓިންގ ކޮމިޝަނުން ކުށްވެރިކުރުން
February 4, 2012
ނޫސް ބަޔާން
މާލޭގައި ރޭ ބޭއްވި މުޒާހަރާ ކަވަރުކުރަން އުޅުނު ރާއްޖެ ޓީވީގެ ޖާނަލިސްޓަކަށް ބަޔަކު ހުރަސްއަޅައި އޭނާ އަށް ހަމަލާދީފައިވާތީ، މޯލްޑިވްސް ބްރޯޑްކާސްޓިންގ ކޮމިޝަނުން ހަރުކަށި އިބާރާތުން އެކަން ކުށްވެރިކުރަމެވެ. މިއީ ޑިމޮކްރަސީއެއްގެ މައިގަނޑު އަސާސްކަމުގައިވާ ޚިޔާލުފާޅުކުރުމުގެ މިނިވަންކަމާއި ނޫސްވެރިކަމުގެ މިނިވަންކަމާ ދެކޮޅަށް ހިންގި ވަރަށް ފިނޑި އަމަލެއްކަމުގައި މި ކޮމިޝަނުން ދެކެމެވެ.
މީޑިއާގައި މަސައްކަތްކުރާ ފަރާތްތަކަށް ފުރައްސާރަކުރުމާއި އެ ފަރާތްތަކަށް އެކި ގޮތްގޮތުން ބިރު ދެއްކުމުގެ އަމަލުތައް ފަހަކަށް އައިސް ގިނަވަމުންދާކަމީ މި ކޮމިޝަނުން ނުހަނު ކަންބޮޑުވާކަމެކެވެ. އަދި ރޭގެ މި ހަމަލާ ތަހްގީގުކޮށް، މިކަން ކުރި ބަޔަކާ މެދު ޤާނޫނީ ފިޔަވަޅު އެޅުމަށް ކަމާ ބެހޭ ފަރާތްތަކަށް މި ކޮމިޝަނުން ގޮވާލަމެވެ. އަދި ބްރޯޑްކާސްޓް މީޑިއާގައި މަސައްކަތްކުރާ ފަރާތްތަކަށް ހަމަލާ ރައްދުނުކުރުމަށާއި ބްރޯޑްކާސްޓިންގ ސްޓޭޝަންތަކާއި، އެ ފަރާތްތަކުގެ މުދަލާއި ތަކެއްޗަށް ގެއްލުން ލިބޭ ގޮތަށް އަމަލުތައް ނުބެހެއްޓުމަށް، މުޒާހަރާތަކާއި މިފަދަ ހަރަކާތްތައް އިންތިޒާމްކުރައްވާ ހުރިހާ ފަރާތްތަކަށް މި ކޮމިޝަނުން މި ފުރުސަތުގައި ވެސް އިލްތިމާސްކުރަމެވެ.
12 ރަބީއުލްއައްވަލް 1433
04 ފެބްރުއަރީ 2012