ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ބްރޯޑްކާސްޓިން ކޮމިޝަނުން ދޭ ބްރޯޑްކާސްޓް އެވޯޑް ދިނުން ފަސްކޮށްފި
November 5, 2024
މޯލްޑިވްސް ބްރޯޑްކާސްޓިން ކޮމިޝަނުން ރާއްޖޭގެ ބްރޯޑްކާސްޓަރުން ކުރާ މަސައްކަތުގެ އަގުވަޒަން ކުރުމުގެ ގޮތުން ދޭ އެވޯޑް އަންނަ އަހަރަށް ފަސްކޮށްފި އެވެ.
ކޮމިޝަނުން މިއަހަރު މި އެވޯޑް ބޭއްވުމަށް މަސައްކަތް ކުރި ކަމުގައިވިޔަސް، ބަޖެޓުގެ ދަތިތަކާއި އެކު އެވޯޑް ބޭއްވުމަށް ފައިސާ ނެތުމުން އަންނަ އަހަރަށް ބްރޯޑްކާސްޓް އެވޯޑް ލަސްކުރާ ގޮތަށް ކޮމިޝަނުން ނިންމައިފި އެވެ.
ބްރޯޑްކާސްޓް އެވޯޑުގެ މަގުސަދަކީ ދިވެހިރާއްޖޭގައި ޚިޔާލުފާޅުކުރުމުގެ މިނިވަންކަމާއި ޑިމޮކްރަސީ އާލާކޮށް ދަމަހައްޓާ އަދި ޤައުމުބިނާކުރުމާއި،އެކި ދާއިރާތަކުން ރައްޔިތުންގެ ހޭލުންތެރިކަން އިތުރުކޮށް، މަޢުލޫމާތު މުއްސަނދި ކުރުމުގައި ބްރޯޑްކާސްޓިންގ ސިނާއަތުގައި ހަރަކާތްތެރިވާ ފަރާތްތަކުން އަދާކުރާ މުހިއްމު ދައުރުގެ އަގުވަޒަންކޮށް، މި ސިނާޢަތުގެ ތަރައްޤީއަށް މަގުފަހިކޮށް ހިތްވަރު ދިނުމެވެ.
ކޮންމެ ދެ އަހަރަކުން އެއް އަހަރު ބާއްވާ ބްރޯޑްކާސްޓް އެވޯޑަކީ މިދާއިރާގައި މަސައްކަތް ކުރާ ފަރާތްތަކުން ފަހުރުވެރިކަމާއި އެކު ބަލައިގަންނަ އެވޯޑެކެވެ.މި އެވޯޑް ބެހިފައިވަނީ ޕްރޮޑަކްޝަން އެވޯޑް، ވަކިވަކި ފަރުދުންނަށް ދޭ އެވޯޑް އަދި ބްރޯޑްކާސްޓް ދާއިރާގެ އިންޑަސްޓްރީ އެވޯޑަށެވެ. މި ތިން ބައިން 26 އެވޯޑެއް ދިނުމަށް ހަމަޖެހިފައިވެ އެވެ.
މިއަހަރު އެވޯޑަށް ލުމުގެ ފުރުސަތު ސެޕްޓެމްބަރު 17 އަށް ހަމަވި އިރު ޖުމްލަ 10 ޗެނަލަކުން 294 ހުށެހެޅުން ލިބިފައިވެ އެވެ.
މިގޮތުން، ޕްރޮޑަކްޝަން ކެޓަގަރީ އެވޯޑަށް 223 ހުށަހެޅުން އަދި ވަކި ވަކި ފަރުދުންނަށް ދޭ އެވޯޑު ކެޓަގަރީ އަށް 71 ފަރާތުން އެޕްލިކޭޝަން ހުށަހަޅައިފައި އެވެ.