ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ބްރޯޑްކާސްޓް އެވޯޑަށް 294 ހުށެހެޅުން
September 18, 2024
މޯލްޑިވްސް ބްރޯޑްކާސްޓިން ކޮމިޝަނުން ދޭ“މޯލްޑިވްސް ބްރޯޑްކާސްޓް އެވޯޑްސް 2024″ ހުށެހުޅުމުގެ ސުންގަނޑި 17 ސެޕްޓެމްބަރުގައި ހަމަވެފައިވާ އިރު، މި އވޯޑަށް ޖުމްލަ 10 ޗެނަލަކުން 294 ހުށެހެޅުން ލިބިފައިވެ އެވެ.
މިގޮތުން، ޕްރޮޑަކްޝަން ކެޓަގަރީ އެވޯޑަށް 223 ހުށަހެޅުން އަދި ވަކި ވަކި ފަރުދުންނަށް ދޭ އެވޯޑު ކެޓަގަރީ އަށް 71 ފަރާތުން އެޕްލިކޭޝަން ހުށަހަޅައިފައި އެވެ.
ކޮންމެ ދެ އަހަރަކުން އެއް އަހަރު ބާއްވާ މޯލްޑިވްސް ބްރޯޑްކާސްޓް އެވޯޑުގެ މަގުސަދަކީ ދިވެހިރާއްޖޭގައި ޚިޔާލުފާޅުކުރުމުގެ މިނިވަންކަމާއި ޑިމޮކްރަސީ އާލާކޮށް ދަމަހައްޓާ އަދި ޤައުމުބިނާކުރުމާއި،އެކި ދާއިރާތަކުން ރައްޔިތުންގެ ހޭލުންތެރިކަން އިތުރުކޮށް، މަޢުލޫމާތު މުއްސަނދި ކުރުމުގައި ބްރޯޑްކާސްޓިންގ ސިނާއަތުގައި ހަރަކާތްތެރިވާ ފަރާތްތަކުން އަދާކުރާ މުހިއްމު ދައުރުގެ އަގުވަޒަންކޮށް، މި ސިނާޢަތުގެ ތަރައްޤީއަށް މަގުފަހިކޮށް ހިތްވަރު ދިނުމެވެ.
މޯލްޑިވްސް ބްރޯޑްކާސްޓިން އެވޯޑްސް ބެހިފައިވަނީ ޕްރޮޑަކްޝަން އެވޯޑް، ވަކި ވަކި ފަރުދުންނަށް ދޭ އެވޯޑް އަދި ބްރޯޑްކާސްޓް ދާއިރާއަށް އިންޑަސްޓްރީ އެވޯޑް އަށެވެ. މި 3 ބައިން 26 އެވޯޑެއް ދިނުމަށް ހަމަޖެހިފައިވެ އެވެ.
މޯލްޑިވްސް ބްރޯޑްކާސްޓިން ކޮމިޝަނުން ދަނީ މި އެވޯޑް ދިނުމުގެ ހަފްލާ އަންނަ ޑިސެމްބަރުގައި ބޭއްވުމަށް މަސައްކަތް ކުރަމުންނެވެ.