ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޝަކުވާ ނިންމި ގޮތުގެ ބަޔާން (CAC-13/2020)
November 5, 2020
ޝަކުވާ ނަމްބަރު: CAC-13/2020
ޝަކުވާ ހުށަހެޅި ތާރީޙް: 25 ފެބްރުވަރީ 2020
ހުލާސާ: މިއީ، ށ. މަރޮށީގައި ޓްރިޕަލް އޭ.ޔޫ ޕްރައިވެޓް ލިމިޓެޑްގެ ނާދީ ކޭބަލް ނެޓްގެ ފަރާތުން އެއަރޓެލް، ވީޑިއޯކޮން، ޑައިލޮގް އަދި އެހެނިހެން ވަސީލަތް މެދުވެރިކޮށް ޗެނަލްތައް ރިސީވްކޮށް ގަވާއިދާ ޚިލާފަށް ރީބްރޯޑްކާސްޓްކުރުމުގެ ޚިދުމަތް ދޭކަމަށް ބުނެ ހުށަހަޅައިފައިވާ ޝަކުވާއަކާ ގުޅިގެން ކޮމިޝަނުން ބަލާފައިވާ މައްސަލައެކެވެ.
ނިންމި ގޮތް: ކޮމިޝަންގެ ނަންބަރު CAC-13/2020 މައްސަލައަކީ، ށ. މަރޮށީގައި ޓްރިޕަލް އޭ.ޔޫ ޕްރައިވެޓް ލިމިޓެޑްގެ ނާދީ ކޭބަލް ނެޓްގެ ފަރާތުން އެއަރޓެލް، ވީޑިއޯކޮން، ޑައިލޮގް އަދި އެހެނިހެން ވަސީލަތް މެދުވެރިކޮށް ޗެނަލްތައް ރިސީވްކޮށް ގަވާއިދާ ޚިލާފަށް ރީބްރޯޑްކާސްޓްކުރުމުގެ ޚިދުމަތް ދޭކަމަށް ބުނެ ހުށަހަޅާފައިވާ މި މައްސަލައިގައި، ވަކިފަރާތަކަށް ބުރަނުވެ މުސްތަޤިއްލު ތަޙްޤީޤެއް މި ކޮމިޝަނުން ކުރުމުގައި ތަޙްޤީޤު ކުރެވެމުންދާއިރު، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި ކަމާބެހޭ ޤާނޫނުތަކުގައި ބަޔާންކޮށްފައިވާ އެންމެހާ ޙައްޤުތައް މައްސަލަ ރައްދުވި ފަރާތަށް ލިބިދެވުނުކަން ކަށަވަރުކުރުމުގެ ގޮތުން، މައްސަލަ ރައްދުވާ ޓްރިޕަލް އޭ.ޔޫ ޕްރައިވެޓް ލިމިޓެޑަށް ޖަވާބުދާރިވުމަށް ދިން ފުރުސަތުގައި؛
މައްސަލައަށް ޖަވާބުދާރީވެ ޓްރިޕަލް އޭ.ޔޫ ޕްރައިވެޓް ލިމިޓެޑުން ފޮނުވި ސިޓީގައި، އެ ކުންފުނީގެ ނާދީ ކޭބަލް ނެޓްގެ ފަރާތުން
ށ. މަރޮށީގައި ރީބްރޯޑްކާސްޓް ކުރުން (ކޭބަލްޓީވީގެ) ގެ ޚިދުމަތް ދެމުން ނުގެންދާކަމަށް ބަޔާންކޮށްފައިވާކަމާއި؛
ށ. މަރޮށީގައި ޓްރިޕަލް އޭ.ޔޫ ޕްރައިވެޓް ލިމިޓެޑްގެ ނާދީކޭބަލް ނެޓްގެ ފަރާތުން މިހާރު ޓީވީގެ ޚިދުމަތް ދެމުންނުގެންދާކަމަށް މިލަދުންމަޑުލުއުތުރުބުރީ މަރޮށީ ކައުންސިލް އިދާރާއިން މަޢުލޫމާތުދީފައިވާތީ؛
މި މައްސަލައާ ގުޅިގެން ޤާނޫނީ ހަމަތަކުގެ މަތިން ތަޙުޤީޤުގެ އެންމެހައި އިޖުރާޢުތައް ފުރިހަމަކޮށް ކޮމިޝަނުގެ ތަޙްޤީޤަށް ލިބިފައިވާ މަޢުލޫމާތުތަކަށް ބަލާއިރު؛
ޓްރިޕަލް އޭ.ޔޫ ޕްރައިވެޓް ލިމިޓެޑްގެ ނާދީކޭބަލް ނެޓްއަކީ ށ. މަރޮށީގައި ކޭބަލްޓީވީގެ ޚިދުމަތް ދެމުންދާ ފަރާތެއް ނޫންކަން އެފަރާތުން ކޮމިޝަނަށް ޖަވާބުދާރީވެ ފޮނުވި މައުލޫމާތުން އަދި މިލަދުންމަޑުލުއުތުރުބުރީ މަރޮށީ ކައުންސިލް އިދާރާއިން ފޯރުކޮށްދީފައިވާ މައުލޫމާތުން ކޮމިޝަނުގެ ތަޙުޤީޤަށް އެނގެން އޮތަތީ، ޓްރިޕަލް އޭ.ޔޫ ޕްރައިވެޓް ލިމިޓެޑްގެ ނާދީކޭބަލް ނެޓުން ޤާނޫނާއި ގަވާއިދާ ޚިލާފުވެފައިވާ ކަމަށް ބެލޭނޭ ޖާގައެއް ނެތްކަމަށް ކަނޑައަޅައި މި މައްސަލަ ބެލި ޖަލްސާގައި ބައިވެރިވި މެންބަރުންގެ
އިއްތިފާޤުން މައްސަލަ ނިންމީއެވެ.
05 ނޮވެންބަރު 2020