ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޝަކުވާ ނިންމި ގޮތުގެ ބަޔާން (CAC-17/2014)
August 4, 2014
ޝަކުވާ ނިންމި ގޮތުގެ ބަޔާން (CAC-17/2014)
ޝަކުވާ ނަމްބަރު: CAC-17/2014
ޝަކުވާ ހުށެހެޅި ތާރީޙް: 09 ޖޫން 2014
ހުލާސާ: މިއީ، ދިއެފްއެމް ޕްލަސްއިން 4 ޖޫން 2014 ވީ ބުދަދުވަހުން ފެށިގެން މުޙައްމަދު ނަދީމް، މއ.ކަނބޯގެ އާބެހޭ ގޮތުން ތިރީ ބާއަށް ދޮގު މަޢުލޫމާތު އަރުވަމުން ދާކަމަށް ބުނެ ހުށަހާޅާފައިވާ މައްސަލައެކެވެ.
ނިންމި ގޮތް: 4 ޖޫން 2014 ވީ ބުދަދުވަހުން ފެށިގެން މުޙައްމަދު ނަދީމް، މއ.ކަނބޯގެ އާބެހޭ ގޮތުން ދި.އެފް.އެމް ޕްލަސްގެ ތިރީ ބާއަށް އަރުވަމުންދިޔަ ޚަބަރުގައި މުޙައްމަދު ނަދީމުގެ ބަހެއް ގެނެސްދީފައި ނުވާތީ، މިއީ ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްގެ ފަސްވަނަ ހަމައިގެ (1)، އަދި (4) އާ ޚިލާފު ކަމެއްކަމަށް ކަނޑައަޅައި، ޚަބަރު ގެނެސްދޭއިރު ވަކިފަރާތަކަށް ބުރަވުމެއްނެތި ހަމަހަމަކާމާއެކު ގެނެސްދިނުމަށާއި ޚަބަރު ގެނެސްދިނުމުގައި ކަމެއް ހިނގިގޮތް ސާބިތުނުވާ ހާލަތުގައި އެކަމެއް ހިނގިކަމަށް ލިބޭ މަޢުލޫމަތު ހާމަކުރާއިރު މުޢުތަބަރު ކަމަށް ޔަޤީންކުރެވޭ މަސްދަރެއްގެ މައްޗަށް ބިނާކޮށް ޚަބަރު ގެނެސްދިނުމަށް ސަމާލުވުމަށް މޯލްޑިވްސް މީޑިއާ ކޮމްޕެނީ ޕްރައިވެޓް ލިމިޓެޑަށް، ބްރޯޑްކާސްޓްކުރުމުގެ ޤާނޫނުގެ 44 ވަނަ މާއްދާގެ (ހ)ގެ 1ގެ ދަށުން، އަންގައި ނަސޭހަތްތެރިވުމަށް މި މައްސަލަ ބެލި ކޮމިޝަނުގެ ޖަލްސާގައި ބައިވެރިވި މެމްބަރުންގެ އަޣުލަބިއްޔަތުން ނިންމީއެވެ.
4 އޮގަސްޓް 2014