ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މޯލްޑިވްސް ބްރޯޑްކާސްޓް އެވޯޑްސް 2022
މޯލްޑިވްސް ބްރޯޑްކާސްޓް އެވޯޑްސް 2022
- މޯލްޑިވްސް ބްރޯޑްކާސްޓް އެވޯޑްސް ދިނުމުގެ އުޞޫލު
- މޯލްޑިވްސް ބްރޯޑްކާސްޓް އެވޯޑްސް އަށް ނަން ހުށަހަޅާ ފޯމު
- ޕްރޮޑަކްޝަން އެވޯޑުތައް
- ބްރޯޑްކާސްޓިންގ ދާއިރާގެ ވަކި ވަކި ފަރުދުންނަށް ދެވޭ އެވޯޑުތައް
- އިންޑަސްޓްރީ އެވޯޑުތައް
- މޯލްޑިވްސް ބްރޯޑްކާސްޓް އެވޯޑްސް އަށް އެންޓްރީ ހުށަހަޅާ މީހުންގެ ކުށުގެ ރެކޯޑު ބަލާ ފޯމް
ޝަކުވާ ނިންމި ގޮތުގެ ބަޔާން (IMCAC-33/2021)
November 28, 2021
ޝަކުވާ ނަމްބަރު: IMCAC-33/2021
ޝަކުވާ ހުށަހެޅި ތާރީޙް: 23 ޖޫން 2021
ހުލާސާ: މިއީ، ބަޑީސްނެޓް ޕްރައިވެޓް ލިމިޓެޑްގެ ފަރާތުން ރީބްރޯޑްކާސްޓްކުރުމުގެ ޤަވާއިދުގައި ކަނޑައަޅާފައިވާ އުޞޫލުތަކާއި ޚިލާފަށް ށ.ގޮއިދޫގައި ރީބްރޯޑްކާސްޓްކުރުމުގެ ޚިދުމަތް ފޯރުކޮށްދޭކަމަށް ބުނެ ހުށަހަޅާފައިވާ މައްސަލައެކެވެ.
ނިންމި ގޮތް: ޤާނޫނީ ހަމަތަކުގެ މަތިން ތަޙްޤީޤުގެ އެންމެހައި އިޖުރާޢުތައް ފުރިހަމަކޮށް ކޮމިޝަނަށް ލިބިފައިވާ މަޢުލޫމާތުތަކަށް ބަލާއިރު، ށ. ގޮއިދޫ ގައި ބަޑީސްނެޓް ޕްރައިވެޓް ލިމިޓެޑްގެ ފަރާތުން ރީބްރޯޑްކާސްޓްކުރުމުގެ ޤަވާއިދުގައި ކަނޑައަޅާފައިވާ އުޞޫލުތަކާއި ޚިލާފަށް ށ.ގޮއިދޫގައި ރީބްރޯޑްކާސްޓްކުރުމުގެ ޚިދުމަތް ފޯރުކޮށްދޭކަމަށް ބުނެ ހުށަހަޅާފައިވާ ކޮމިޝަނުގެ ނަންބަރު IMCAC-33/2021 މައްސަލައިގައި ވަކިފަރާތަކަށް ބުރަނުވެ މުސްތަޤިއްލު ތަޙްޤީޤެއް މި ކޮމިޝަނުން ކުރުމުގައި ތަޙްޤީޤު ކުރެވެމުންދާއިރު، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި ކަމާބެހޭ ޤާނޫނުތަކުގައި ބަޔާންކޮށްފައިވާ އެންމެހާ ޙައްޤުތައް މައްސަލަ ރައްދުވި ފަރާތަށް ލިބިދެވުނުކަން ކަށަވަރުކުރުމުގެ ގޮތުން، މައްސަލަ ރައްދުވާ ބަޑީސްނެޓް ޕްރައިވެޓް ލިމިޓެޑަށް މައްސަލައަށް ޖަވާބުދާރިވުމަށް އެކަށީގެންވާ ފުރުސަތު ދީފައިވީނަމަވެސް، އެފަރާތުން މައްސަލައަށް ޖަވާބުދާރީވެފައި ނުވާކަމާއި،
މައްސަލައިގެ ތަޙުޤީޤު މަރުހަލާގައި، މިލަދުންމަޑުލު އުތުރުބުރީ ގޮއިދޫ ކައުންސިލްގެ އިދާރާގެ ނަންބަރު 273/427/2021/1 (29 އޮގަސްޓް 2021) ސިޓީން “ބަޑީސްނެޓް ޕްރައިވެޓް ލިމިޓެޑް ކިޔާ ކުންފުންޏަކުން އެއްވެސް އިރެއްގައި މިރަށުގައި ކޭބަލް ޓީވީގެ ޚިދުމަތް ދީފައިނުވާ ވާހަކަ ދަންނަވަމެވެ…” މިފަދައިން ބަޔާންކޮށް ކޮމިޝަނަށް މައުލޫމާތުދީފައިވާތީ،
ބަޑީސްނެޓް ޕްރައިވެޓް ލިމިޓެޑްގެ ފަރާތުން ރީބްރޯޑްކާސްޓްކުރުމުގެ ޤަވާއިދުގައި ކަނޑައަޅާފައިވާ އުޞޫލުތަކާއި ޚިލާފަށް ށ.ގޮއިދޫގައި ރީބްރޯޑްކާސްޓްކުރުމުގެ ޚިދުމަތް ފޯރުކޮށްދޭކަމަށް ބުނެ ހުށަހަޅާފައިވާ ކޮމިޝަންގެ ނަންބަރު IMCAC-33/2021 މައްސަލަ އަސްލެއްނެތް މައްސަލައެއް ކަމަށް ކަނޑައަޅައި މައްސަލަ އިތުރަށް ކުރިއަށްނުގެންދިއުމަށް، ކޮމިޝަންގެ ޖަލްސާގައި ބައިވެރިވި މެންބަރުންގެ އިއްތިފާޤުން މައްސަލަ ނިންމީއެވެ.
23 ނޮވެންބަރު 2021