ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މުވައްޒަފުންނަށް ވިހެއުމާއި ގުޅިގެން ދެވޭ ޗުއްޓީ ހަ މަސް ދުވަހަށް އިތުރުކުރުމަށް ކޮމިޝަނުން ނިންމައިފި
March 25, 2019
ސަރުކާރުގައި މަސައްކަތްކުރާ އަންހެން މުވައްޒަފުން ވިހެއުމާ ގުޅިގެން 6 މަސް ދުވަހުގެ ޗުއްޓީއެއް ދެއްވުމަށާއި ފިރިހެން މުވައްޒަފުގެ އަނބިމީހާ ވިހާ ދުވަހުން ފެށިގެން ފިރިހެން މުވައްޒަފަށް 1 މަސްދުވަހުގެ ޗުއްޓީއެއް ދެއްވުމަށް ރައީސުލްޖުމްހޫރިއްޔާ ނިންމެވުމާ ގުޅިގެން، މި ޗުއްޓީ ސިވިލް ސަރވިސްގެ މުވައްޒަފުންނަށް ދިނުމަށް ނިންމާފައިވާ އުސޫލުން، މޯލްޑިވްސް ބްރޯޑްކާސްޓިންގ ކޮމިޝަނުގެ މުވައްޒަފުންނަށް ވެސް މިއަދުން ފެށިގެން ދިނުމަށް ކޮމިޝަނުން ނިންމައިފިއެވެ.
މި ނިންމުމާ ގުޅިގެން، މިއަދާ ހަމައަށް ކޮމިޝަނުގައި މަސައްކަތްކުރާ އަންހެން މުވައްޒަފުންގެ ތެރެއިން ދަރިފުޅަށް 6 މަސް ނުވާ އަންހެން މުވައްޒަފުންނަށާއި އަދި ދަރިފުޅަށް 7 މަސް ނުވާ ފިރިހެން މުވައްޒަފުންނަށް ބާކީ އޮތް ދުވަސްތަކަށް ބަލައި ވިހެއުމާ ގުޅިގެން ދެވޭ ޗުއްޓީ އާއި އަނބިމީހާ ވިހެއުމުން ދެވޭ ޗުއްޓީ ހަމަޖައްސައި ދެވޭނެއެވެ.
25 މާރިޗު 2019