ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
“މޯލްޑިވްސް ބްރޯޑްކާސްޓް އެވޯޑްސް 2022” ގެ ޕާޓްނަރުންނާއި ސްޕޮންސަރުންނާއެކު ސޮއިކުރުމުގެ ރަސްމިއްޔާތު ބާއްވައިފި
August 14, 2022
ރާއްޖޭގެ އެންމެ ފުރަތަމަ ބްރޯޑްކާސްޓްކުރުމުގެ އެވޯޑު، “މޯލްޑިވްސް ބްރޯޑްކާސްޓް އެވޯޑް 2022” ގެ ޕާޓްނަރުންނާއި ސްޕޮންސަރުންނާ އެކު ސޮއިކުރުމުގެ ރަސްމިއްޔާތު ބާއްވައިފިއެވެ.
ކޮމިޝަނުން ބާއްވާ މި އެވޯޑުގެ ޕާޓްނަރުންނާއި ސްޕޮންސަރުންނާ އެކު އެކަމުގެ އެއްބަސްވުމުގައި ސޮއިކުރީ މީރުމާ މާލަމުގައި ބޭއްވި ޚާއްސަ ރަސްމިއްޔާތެއްގަ އެވެ. އެވޯޑްގެ ޕާޓްނަރުންނާއި ސްޕޮންސަރުންނާ އަދި ވަކިވަކި އެވޯޑުތައް ސްޕޮންސާކުރި ކުންފުނިތަކާ އެކު ވެސް މި ރަސްމިއްޔާތުގައި ސޮއިކުރި އެވެ.
މި އެވޯޑްގެ އެސޯސިއޭޓް ޕާޓްނަރަކީ އެމްޓީސީސީ އެވެ. އޮފިޝަލް ސްޕޮންސަރުންނަކީ ސްޓެލްކޯ އަދި އެފްއެސްއެމެވެ. އޮޑިޓް ޕާޓްރަނަކަށް ކްރޯ މޯލިޑިވްސް ހަމަޖައްސާފައިވާއިރު، ހޮސްޓިންގ ޕާޓްނަރަކީ އެޗްޑީސީ އެވެ. އަދި ޑިޖިޓަލް ޕާޓްރަނަކީ އުރީދޫ މޯލްޑިވްސް އެވެ. ވަކިވަކި އެވޯޑްތައް ސްޕޮންސާކުރި ކުންފުނިތަކަކީ އެސްޓީއޯ އާއި އެމްޕީއެލާއި މޯލްޑިވިއަން އާއި އަލްޝާލީ މެރިން އާއި މެޑްޓެކާއި ލިޓަސް އަދި ފެނަކަ ކޯޕަރޭޝަނެވެ.