ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ބްރޯޑްކާސްޓަރުންނާއެކު އޮންނަ ގުޅުން ބަދަހި ކުރުމަށް ކޮމިޝަނުން ހަވީރެއް ބާއްވައިފި
December 17, 2019
ބްރޯޑްކާސްޓަރުންނާއި ކޮމިޝަނާ މެދު އޮންނަ ގުޅުން އިތުރަށް ހަރުދަނާކޮށް ބަދަހި ކުރުމުގެ މަޤްޞަދުގައި ކޮމިޝަނުން އިންތިޒާމުކޮށްގެން ހަވީރެއް ބާއްވައިފިއެވެ.
މިއަދު ހަވީރު، މާގިރި ހޮޓެލްގައި ހަވީރުގެ ސަޔާއެކު، ބޭއްވި މި ހަވީރުގައި ރާއްޖޭގައި ޚިދުމަތްދޭ ގިނަ ބްރޯޑްކާސްޓަރުން ބައިވެރިވިއެވެ.
މި ބައްދަލުވުމުގައި ކޮމިޝަންގެ މެމްބަރުން ދެއްކެވި ވާހަކަފުޅުގައި، ބްރޯޑްކާސްޓްރުންނާ އޮންނަ ގުޅުން އިތުރަށް ހަރުދަނާކުރުމަކީ ރާއްޖޭގެ ބްރޯޑްކާސްޓިންގ ދާއިރާގެ ދެމެހެއްޓެނިވި ތަރައްޤީއަށް މުހިންމު ކަމެއްކަން ފާހަގަކުރައްވައި، ކޮމިޝަނުން ބްރޯޑްކާސްޓަރުންނާ އޮންނަ ގުޅުން އިތުރުކުރުމަށް ވަރަށް ބޮޑު އިސްކަމެއް ދެއްވާނެކަމަށް ވިދާޅުވިއެވެ.
އަދި، ދާއިރާގެ ކުރިއެރުމާއި ތަރައްޤީއަށް ބްރޯޑްކާސްޓަރުންނާ ކޮމިޝަން ގުޅިގެން ކުރަންޖެހޭ ކަންތައްތަކާ ބެހޭ ގޮތުން މަޝްވަރާކުރުމަށާއި ބްރޯޑްކާސްޓަރުންނަށް ދިމާވެފައިވާ ދަތިތަކާއި ގޮންޖެހުންތައް ދެނެގަތުމަށް މަޝްވަރާ ބައްދަލުވުންތަކެއް ބޭއްވުމަށް ހަމަޖައްސަވާފައިވާ ކަމަށްވެސް ކޮމިޝަންގެ މެމްބަރުންގެ ވާހަކަފުޅުގައި ފާހަގަކުރެއްވިއެވެ.
ކޮމިޝަން އުފެދުނީއްސުރެ މިހާތަނަށް ޖުމްލަ 48 ފަރާތަކަށް ބްރޯޑްކާސްޓްކުރުމުގެ ލައިސަންސް ކޮމިޝަނުން ދޫކޮށްފައިވެއެވެ. މީގެ ތެރޭގައި ހިމެނެނީ 13 ރޭޑިއޯ ޗެނަލާއި 35 ޓީވީ ޗެނަލެވެ.