ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މޯލްޑިވްސް ބްރޯޑްކާސްޓް އެވޯޑްސް 2022
މޯލްޑިވްސް ބްރޯޑްކާސްޓް އެވޯޑްސް 2022
- މޯލްޑިވްސް ބްރޯޑްކާސްޓް އެވޯޑްސް ދިނުމުގެ އުޞޫލު
- މޯލްޑިވްސް ބްރޯޑްކާސްޓް އެވޯޑްސް އަށް ނަން ހުށަހަޅާ ފޯމު
- ޕްރޮޑަކްޝަން އެވޯޑުތައް
- ބްރޯޑްކާސްޓިންގ ދާއިރާގެ ވަކި ވަކި ފަރުދުންނަށް ދެވޭ އެވޯޑުތައް
- އިންޑަސްޓްރީ އެވޯޑުތައް
- މޯލްޑިވްސް ބްރޯޑްކާސްޓް އެވޯޑްސް އަށް އެންޓްރީ ހުށަހަޅާ މީހުންގެ ކުށުގެ ރެކޯޑު ބަލާ ފޯމް
ރީބްރޯޑްކާސްޓިންގ ޚިދުމަތް ތަރައްޤީކުރުމަށް ކުރާ މަސައްކަތްތަކާ ގުޅޭގޮތުން ދިރާގުން ކޮމިޝަނާ އެކު މަޝްވަރާކޮށްފި
December 16, 2019
ރީބްރޯޑްކާސްޓިންގގެ ޚިދުމަތްދިނުމުގެ ލައިސަންސް ނަގާފައިވާ ރާއްޖޭގެ އެންމެ ބޮޑު އެއް ޓެލެކޮމިއުނިކޭޝަން އޮޕަރޭޓަރ ދިވެހިރާއްޖޭގެ ގުޅުން (ދިރާގު)ން، ރީބްރޯޑްކާސްޓިންގ ޚިދުމަތް ތަރައްޤީކުރުމަށް ކުރާ މަސައްކަތްތަކާ ގުޅޭގޮތުން މޯލްޑިވްސް ބްރޯޑްކާސްޓިންގ ކޮމިޝަނާ އެކު މިއަދު މަޝްވަރާކޮށްފިއެވެ.
މި ބައްދަލުވުމުގައި، ދިރާގުން ރީބްރޯޑްކާސްޓްކުރުމުގެ ޚިދުމަތް އިތުރަށް ތަރައްޤީކުރުމަށް ކުރަމުންދާ މަސައްކަތްތަކުގެ ތަފްސީލު ބައްދަލުވުމުގައި ޙިއްސާކުރިއެވެ. އަދި ރީބްރޯޑްކާސްޓިންގ ޚިދުމަތް ދިނުމަށާއި، މި ޚިދުމަތް ފުޅާކުރުމަށް ހުރި ކަންބޮޑުވުންތަކާއި ގޮންޖެހުންތަކާ އަދި ޤާނޫނީ ގޮތުން ހުރި ހުރަސްތައް ކޮމިޝަނާއެކު ދިރާގުން ޙިއްސާކުރިއެވެ.
މިއަދުގެ މި ބައްދަލުވުމުގައި، ރީބްރޯޑްކާސްޓިންގ ދާއިރާ ތަރައްޤީކުރުމަށް ކޮމިޝަނުން މަސައްކަތްކުރަމުންދާކަން ފާހަގަކުރައްވައި، ކޮމިޝަނުން އެކަށައަޅާފައިވާ ސިޔާސަތުތައް ތަންފީޒުކުރުމަށް، ކަމާގުޅޭ ހުރިހާ ފަރާތްތައް ގުޅިގެން މަސައްކަތްކުރުމާއި ގުޅޭ ގޮތުން ކޮމިޝަންގެ ރައީސް މަރިޔަމް ވަހީދާ ވާހަކަފުޅުދެއްކެވިއެވެ. އަދި މިއަދުގެ ބައްދަލުވުމުގައި ދިރާގުން ފާހަގަ ކުރެއްވި ކަންބޮޑުވުންތައް ޙައްލުކޮށްދެއްވުމަށް މަސައްކަތްކުރައްވާނެ ކަމުގެ ޔަޤީންކަން ކޮމިޝަންގެ ރައީސާއި މެމްބަރުން ދެއްވިއެވެ.
ދިރާގުގެ ފަރާތުން މި ބައްދަލުވުމުގައި ބައިވެރިވެވަޑައިގަތީ، އެ ކުންފުނީގެ ޗީފް ފައިނޭންޝަލް އޮފިސަރ ރޮބިން ވޯލްއާއި، ޑިރެކްޓަރ، ކޯޕަރޭޓް ސަރވިސަސް އާތިފާ ޢަލީއެވެ. ކޮމިޝަންގެ ފަރާތުން ބައިވެރިވެވަޑައިގަތީ ކޮމިޝަންގެ ރައީސްގެ އިތުރުން، ނައިބު ރައީސް އަޙްމަދު ގައިސްއާއި، ކޮމިޝަނަރ ޒީނާ ޒާހިރާއި، ކޮމިޝަނަރ އާމިނަތު ސަރާޙަތު ޢިއްޒަތާއި، ކޮމިޝަނަރ ޢަލީ ޔޫސުފް އަދި ސެކްރެޓަރީ ޖެނެރަލް މުޙައްމަދު ނާސިހެވެ.