---

ވިޝަންސް އޮފް ދަ ފިއުޗާގައި އާޓް ހުށަހަޅައިގެން ދަ ކްލޭ ސްޓޫޑިއޯ މޯލްޑިވްސްގެ ކްލާސްތަކެއްގެ ބައިވެރިވުމުގެ ފުރުސަތު

October 2, 2024

ބްރޯޑްކާސްޓިންގ ދުވަސް ފާހަގަ ކުރުމުގެ ގޮތުން މޯލްޑިވްސް ބްރޯޑްކާސްޓިންގ ކޮމިޝަނުން ބާއްވާ ކުރެހުމުގެ މުބާރާތް ވިޝަންސް އޮފް ފިއުޗާގެ ސްޕޮންސަރެއްގެ ގޮތުގައި ދަ ކްލޭ ސްޓޫޑިއޯ މޯލްޑިވްސްގެ ފަރާތުން ބައިވެރިވެއްޖެ އެވެ.

ރާއްޖޭގެ މުޅިން އަލަށް ޕޮޓަރީ ކްލާސްތައް ތައާރަފު ކުރި މި ސްޓޫޑިއޯ އިން ވަނީ އާޓް މުބާރާތުން ވަނަތައް ލިބޭ ދަރިވަރުންނަށް އެ ފަރާތުން ހިންގާ ކްލާސްތައް އިނާމްގެ ގޮތުގައި ދޭން ކަނޑައަޅާފައި އެވެ.

ވިޝަންސް އޮފް ދަ ފިއުޗާ އަކީ ރާއްޖޭގެ ހުރިހާ ސްކޫލްތަކުގެ ދަރިވަރުންނަށް އަމާޒުކޮށްގެން ބާއްވާ އާޓް މުބާރާތެކެވެ.

މި މުބާރާތުގެ މަގްސަދަކީ ދަރިވަރުން ބްރޯޑްކާސްޓިން ދާއިރާއަށާއި ރާއްޖޭގައި ހަރަކާތްތެރިވާ ރޭޑިއޯ/ޓީވީ ޗެނަލްތަކުން ފޮނުވާ ކޮންޓެންޓަށް ޝައުގުވެރިކަން އިތުރުކޮށް، ކޮންޓެންޓް އުފައްދާ މީހުންގެ ބުރަ މަސައްކަތް ކުޑަކުދިންގެ އަމިއްލަ ހިޔާލުން ސިފަ ކުރާ ގޮތް ދެނެގަތުމެވެ.

ވިޝަންސް އޮފް ދަ ފިއުޗާ ގައި ބައިވެރިވަމަށް ޝައުގުވެރިވާ ފަރާތްތަކަށް މި އާޓް މުބާރާތަށް ކުރެހުން ހުށަހެޅުމަށް ކޮމިޝަނުން ވަނީ މައިގަނޑު ޝިއާރުތަކެއް ކަނޑައަޅާފައި އެވެ.

މި ޝިއާރު ތަކަކީ؛

ދަ އިވޮލިއުޝަން އޮފް މީޑީއާ: މި ޝިއާރަށް ހުށަހަޅާ ކުރެހުންތަކުން ދައްކުވައިދޭންވާނީ ނުވަތަ ލިބޭ މެސެޖަކަށްވާންވީ އިހުގެ ރޭޑިއޯ އިން ފެށި ބްރޯޑްކާސްޓިން މިއަދާ ހަމައަށް އައި އިރު ޒަމާނީ ބްރޯޑްކާސްޓިން ޕްލެޓްފޯމަކަށް ބަދަލުވެފައިވާ ގޮތެވެ.

ބްރޯޑްކާސްޓް މީޑިއާ އެންޑް ކަލްޗާ: މި ޝިއާރަށް ހުށަހަޅާ ކުރެހުންތަކުން ދައްކުވައިދޭންވާނީ ރާއްޖޭގެ ސަގާފަތާއި، ތާރީހާއި އަދި އާދަކާދަ ދެމެހެއްޓުމުގައި ބްރޯޑްކާސްޓިން މީޑީއާ އަދާ ކުރާ ދައުރެވެ.

ބްރޭކިން ނިއުސް: މި ޝިއާރަށް ހުށަހަޅާ ކުރެހުންތަކުން ބްރޯޑްކާސްޓިން މީޑިއާ އިން ބްރޭކިން ނިއުސް އާއްމުންނަށް ގެނެސްދިނުމަށް އަދާ ކުރާ މުހިއްމު ދައުރު ދައްކައިދޭންވާނެ އެވެ.

ތިން އުމުރު ފުރައަކަށް ހުޅުވާލައިގެން ކުރިއަށް ގެންދާ މި އާޓް މުބާރާތުގައި ކޮންމެ އުމުރު ފުރައަކުން އެއްވަނަ، ދެވަނަ އަދި ތިންވަނަ ހޮވާނެ އެވެ.

މުބާރާތް ބެހިފައިވާ އުމުރު ފުރާތަކަކީ؛

• 6  އަހަރާއި 9 އަހަރު ދެމެދުގެ އުމުރުފުރާ
• 10  އަހަރާއި 13 އަހަރު ދެމެދުގެ އުމުރުފުރާ
• 14 އަހަރާއި 16 އަހަރު ދެމެދުގެ އުމުރުފުރާ

ކްލޭ ސްޓޫޑިއޯ އިން ދޭން ކަނޑައަޅާފައިވާ އިނާމް ތަކަކީ؛

6 އަހަރާއި 9 އަހަރުގެ އުމުރުފުރާ އަށް

1 ވަނަ އިނާމް: މަމް އެންޑް މީ ހޭންޑް ބިލްޑިންގ ކްލާސް ( އެއް ދަރިވަރު އަދި އެއް ބެލެނިވެރިޔަކަށް)

2 ވަނަ އިނާމް: 1 ދަރިވަރަށް ކްލޭ ސްޓޫޑިއޯ ތަޖުރިބާ

10 އަހަރާއި 13 އަހަރުގެ އުމުރުފުރާ އަށް

1 ވަނަ އިނާމް: 1 ދަރިވަރަށް ޖޫނިއާ ވީލް ތްރޮވިން ކްލާސް

14 އަހަރާއި 16 އަހަރުގެ އުމުރުފުރާ އަށް

1 ވަނަ އިނާމް: 1 ދަރިވަރަށް ޖޫނިއާ ވީލް ތްރޮވިން ކްލާސް

ރާއްޖެއަށް މުޅިން އާ ފަންނެއް ތައާރަފުކޮށްފައިވާ ދަ ކްލޭ ސްޓޫޑިއޯ މޯލްޑިވްސް އިން މި މުބާރާތުގެ ސްޕޮންސަރެއްގެ ގޮތުގައި ބައިވެރިވުމަކީ މި މުބާރަތަށް ލިބޭ އިތުރު ފުރިހަމަ ކަމެކެވެ.