ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މޯލްޑިވްސް ބްރޯޑްކާސްޓް އެވޯޑްސް 2022
މޯލްޑިވްސް ބްރޯޑްކާސްޓް އެވޯޑްސް 2022
- މޯލްޑިވްސް ބްރޯޑްކާސްޓް އެވޯޑްސް ދިނުމުގެ އުޞޫލު
- މޯލްޑިވްސް ބްރޯޑްކާސްޓް އެވޯޑްސް އަށް ނަން ހުށަހަޅާ ފޯމު
- ޕްރޮޑަކްޝަން އެވޯޑުތައް
- ބްރޯޑްކާސްޓިންގ ދާއިރާގެ ވަކި ވަކި ފަރުދުންނަށް ދެވޭ އެވޯޑުތައް
- އިންޑަސްޓްރީ އެވޯޑުތައް
- މޯލްޑިވްސް ބްރޯޑްކާސްޓް އެވޯޑްސް އަށް އެންޓްރީ ހުށަހަޅާ މީހުންގެ ކުށުގެ ރެކޯޑު ބަލާ ފޯމް
ހަމަނުޖެހުމަކަށް މަގުފަހިވެދާނެ ގޮތަށް އަމަލު ނުކުރުމަށް ބްރޯޑްކާސްޓަރުންނަށް އިލްތިމާސްކުރުން
April 30, 2015
ނަންބަރު: 427-LCM/CIR/2015/10
ސަރކިއުލަރ
ހަމަނުޖެހުމަކަށް މަގުފަހިވެދާނެ ގޮތަށް އަމަލު ނުކުރުމަށް ބްރޯޑްކާސްޓަރުންނަށް އިލްތިމާސްކުރުން
ސަލާމަތީ ބާރުތަކާއި ސަރުކާރާ ދެކޮޅަށް އާންމުން ތެދުވުމަށް ގޮވާލުމާއި، ޤާނޫނާއި ޤަވާއިދުތަކާ ޚިލާފަށް ހަމަނުޖެހުންތައް ހިންގުމަށް، ބައެއް ސިޔާސީ ޕާޓީތަކާއި އެ ޕާޓީތަކަށް ނިސްބަތްވާ ފަރާތްތަކުން ޓީވީ ސްޓޭޝަންތަކާއި ރޭޑިއޯ މެދުވެރިކޮށް ގޮވާލާ ކަމަށް ބުނެ މޯލްޑިވްސް ޕޮލިސް ސަރވިސްގެ ކަންބޮޑުވުންތައް ވަނީ މި ކޮމިޝަނާ ހިއްސާކުރައްވައިފަ އެވެ.
ވީމާ، ސިޔާސީ އެކިއެކި ހަރަކާތްތައް ހިންގަމުންދާ މިފަދަ ދަނޑިވަޅެއްގައި، ޤައުމުގެ އަމަންއަމާންކަން ގެއްލި، ހަމަނުޖެހުމަކަށް ހިތްވަރު ލިބި، ޙަޤީގަތް އޮޅިގެންދާ ގޮތަށް ބްރޯޑްކާސްޓް ނުކުރުމަށާއި، ބްރޯޑްކާސްޓްކުރުމުގެ ޤާނޫނުގެ 37 ވަނަ މާއްދާގެ ދަށުން އެކުލަވާލާފައިވާ ކޯޑް އޮފް ޕްރެކްޓިސްގައި ކަނޑައަޅާފައިވާ ހަމަތަކާއި މިންގަނޑުތަކަށް ސަމާލުވުމަށް އެންމެހައި ބްރޯޑްކާސްޓަރުންނަށް މޯލްޑިވްސް ބްރޯޑްކާސްޓިންގ ކޮމިޝަނުން އަންގަމެވެ. މިއާ ޚިލާފަށް ބްރޯޑްކާސްޓްކުރާ ފަރާތްތަކާމެދު ޤާނޫނާއި ޤަވާއިދުތަކާ އެއްގޮތްވާ ގޮތުގެ މަތިން ފިޔަވަޅު އަޅާނެ ކަމުގައި ވެސް ދަންނަވަމެވެ.
ވީމާ ހުރިހާ ބްރޯޑްކާސްޓަރުން ވެސް މިކަމަށް ސަމާލުކަން ދެއްވުމަށް އިލްތިމާސްކޮށް ހަނދާންކޮށްދެމެވެ.
30 އޭޕްރީލް 2015