ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މުޒާހަރާ ކަވަރު ކުރުމުގައި ޒިންމާދާރުވުމަށާއި، ބްރޯޑްކާސްޓަރުންނަށް މިނިވަންކަމާ އެކު ހަރާތްތެރިވެ އުޅުމުގެ ފުރުސަތު ދިނުމަށް މޯލްޑިވްސް ބްރޯޑްކާސްޓިން ކޮމިޝަނުން ގޮވާލައިފި
December 21, 2011
ނަންބަރު: 427-LCM/CIR/2011/1004
ސަރކިއުލަރ
މުޒާހަރާ ކަވަރު ކުރުމުގައި ޒިންމާދާރުވުމަށާއި، ބްރޯޑްކާސްޓަރުންނަށް މިނިވަންކަމާ އެކު ހަރާތްތެރިވެ އުޅުމުގެ ފުރުސަތު ދިނުމަށް މޯލްޑިވްސް ބްރޯޑްކާސްޓިން ކޮމިޝަނުން ގޮވާލުން
މި ހިނގާ ޑިސެމްބަރު މަހުގެ 23 ވަނަ ދުވަހު މާލޭގައި ބާއްވަން މަސައްކަތްކުރަމުންދާ މުޒާހަރާތައް ކަވަރުކުރުމުގަ އާއި ކަމާ ބެހޭ ޚަބަރުތައް ފެތުރުމުގައި ޒިންމާދާރުވުމަށާއި، ނޫސްވެރިކަމުގެ ޕްރޮފެޝަނަލިޒަމާއި ސްލޫކީ މިންގަނޑުތައް ހިފެހެއްޓުމަށާއި، ގައުމުގެ އަމަންއަމާންކަމާއި ސުލްހަމަސްލަހަތަށް އިސްކަންދިނުމަށް ހުރިހާ ބްރޯޑްކާސްޓަރުންނަށް މޯލްޑިވްސް ބްރޯޑްކާސްޓިން ކޮމިޝަނުން ނަސޭހަތްތެރިވެ، އިލްތިމާސްކުރަމެވެ.
އަދި މި މުޒާހަރާތައް ކަވަރުކުރުމުގައި ހަރަކާތްތެރިވާ ބްރޯޑްކާސްޓް މީޑިއާގެ ފަރާތްތަކަށް، މިނިވަންކަމާއެކު ހަރަކާތްތެރިވެ އުޅުމުގެ ފުރުސަތު މުޒާހަރާތައް އިންތިޒާމްކުރާ ފަރާތްތަކާއި ސަލާމަތީ ބާރުތަކުން ވެސް ތަނަވަސްކޮށްދިނުމަށް އެދި މޯލްޑިވްސް ބްރޯޑްކާސްޓިން ކޮމިޝަނުން ގޮވާލަމެވެ.
24 މުޙައްރަމް 1433
21 ޑިސެމްބަރ 2011