ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މޯލްޑިވްސް ބްރޯޑްކާސްޓް އެވޯޑްސް 2022
މޯލްޑިވްސް ބްރޯޑްކާސްޓް އެވޯޑްސް 2022
- މޯލްޑިވްސް ބްރޯޑްކާސްޓް އެވޯޑްސް ދިނުމުގެ އުޞޫލު
- މޯލްޑިވްސް ބްރޯޑްކާސްޓް އެވޯޑްސް އަށް ނަން ހުށަހަޅާ ފޯމު
- ޕްރޮޑަކްޝަން އެވޯޑުތައް
- ބްރޯޑްކާސްޓިންގ ދާއިރާގެ ވަކި ވަކި ފަރުދުންނަށް ދެވޭ އެވޯޑުތައް
- އިންޑަސްޓްރީ އެވޯޑުތައް
- މޯލްޑިވްސް ބްރޯޑްކާސްޓް އެވޯޑްސް އަށް އެންޓްރީ ހުށަހަޅާ މީހުންގެ ކުށުގެ ރެކޯޑު ބަލާ ފޯމް
“ކޯނީ” ގެ ރިޕޯޓާ ގުޅިގެން ހަމަނުޖެހުމަކަށް މަގުފަހިވެދާނެ ގޮތަށް އަމަލު ނުކުރުމަށް ބްރޯޑްކާސްޓަރުންނަށް އިލްތިމާސްކުރުން
August 29, 2012
ނަންބަރު: 427-LCM/CIR/2012/10
ސަރކިއުލަރ
ކޮމިޝަން އޮފް ނެޝަނަލް އިންކުއަރީ އިން30 އޯގަސްޓް 2012 ގައި ނެރުމަށް ހަމަޖެހިފައިވާ ރިޕޯޓާ ގުޅިގެން ޤައުމުގައި އުފެދިދާނެ ސިޔާސީ އޮއިވަރުގެ ތެރޭގައި އަމަންއަމާންކަން ގެއްލި، ހަމަނުޖެހުމަކަށް ހިތްވަރު ލިބި، ޙަޤީގަތް އޮޅިގެންދާ ގޮތަށް ބްރޯޑްކާސްޓް ނުކުރުމަށާއި، ބްރޯޑްކާސްޓްކުރުމުގެ ޤާނޫނުގެ 37 ވަނަ މާއްދާގެ ދަށުން އެކުލަވާލާފައިވާ ކޯޑް އޮފް ޕްރެކްޓިސްގައި ކަނޑައަޅާފައިވާ ހަމަތަކާއި މިންގަނޑުތަކަށް ސަމާލުވުމަށް އެންމަހައި ބްރޯޑްކާސްޓަރުންނަށް މޯލްޑިވްސް ބްރޯޑްކާސްޓިންގ ކޮމިޝަނުން އިލްތިމާސް ކުރަމެވެ. މިއާ ޚިލާފަށް ބްރޯޑްކާސްޓްކުރާ ފަރާތްތަކާމެދު ޤާނޫނާއި ޤަވާއިދުތަކާ އެއްގޮތްވާ ގޮތުގެ މަތިން ފިޔަވަޅު އަޅާނެ ކަމުގައި ދަންނަވަމެވެ.
އަދި އެއްވުންތަކާއި މަގުމަތީގައި ހިންގާ ސިޔާސީ ޙަރަކާތްތައް ކަވަރުކުރުމުގައި ޤައުމުގެ ސަލާމަތީ ބާރުތަކަށް އެ ފަރާތްތަކުގެ ވާޖިބުތައް އަދާކުރުމަށް ހުރަސްއެޅޭގޮތަށް ޢަމަލު ނުކުރުމަށްވެސް މި ފުރުޞަތުގައި ބްރޯޑްކާސްޓަރުންނަށް ނަސޭޙަތްތެރި ވަމެވެ. ހަމަ އެފަދައިން އެއްވުންތަކާއި މަގުމަތީގައި ހިންގާ ސިޔާސީ ޙަރަކާތްތައް ކަވަރުކުރުމުގައި ހަރަކާތްތެރިވާ ހުރިހާ ބްރޯޑްކާސްޓަރުންނަށް ހަމަހަމަކަމާއެކު އެ ފުރުސަތު ދެއްވުމަށާއި ޤާނޫނުއަސާސީން ކަށަވަރުކޮށްދޭ ހިޔާލުފާޅުކުރުމުގެ މިނިވަންކަމާއި ނޫސްވެރިކަމުގެ މިނިވަންކަމުގެ ދާއިރާ ހަނިވެގެން ނުދާނެގޮތަކަށް އަމަލުތައް ބެހެއްޓެވުމަށް ޤައުމީ ސަލާމަތީ ބާރުތަކަށް މި ކޮމިޝަނުން އިލްތިމާސްކުރަމެވެ.
11 ޝައްވާލު 1433
29 އޯގަސްޓް 2012