ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
އަންހެނުންނާއި ކެންސަރު، ހޭލުންތެރިކުރުމުގެ ސެޝަންގައި ކޮމިޝަނުން ބައިވެރިވެއްޖެ
October 31, 2024
އައިޖީއެމްއެޗް ހޮސްޕިޓަލް އާއި ސޮސައިޓީ އޮފް އޮބްސްޓެޓްރިޝަންސް ގައިނޮކޮލޮޖިސްޓް އޮފް މޯލްޑިވްސް (އެސްއޯޖީއެމް) އިން ބޭއްވި އަންހެނުން އާއި ކެންސަރު ހޭލުންތެރިކުރުމުގެ ސެޝަންގައި ކޮމިޝަނުގެ މުވައްޒަފުން އަދި ބްރޯޑްކާސްޓަރުން ބައިވެރިވެއްޖެ އެވެ.
މި ސެޝަން އަކީ މީޑިއާ އަށް އަމާޒުކޮށްގެން އަންހެނުންނާއި ކެންސަރު ގުޅޭ މައުލޫމާތު ދިނުމުގެ ބޭނުމުގައި ބޭއްވި ސެޝަނެކެވެ. ބުދަ ދުވަހު ދަރުމަވަންތަ ހޮސްޕިޓަލްގެ އުޑުވިލާގައި އޮތް މި ސެޝަން މީޑިއާ އަށް މުހިއްމީ އާއްމުންނަށް ކެންސަރާއި ގުޅޭ ސައްހަ މައުލޫމާތު ފޯރުކޮށްދޭން މީޑިއާގެ މުހިއްމުކަމާއި ގުޅޭ ގޮތުން ޑރ. އަސީލް ޖަލީލް ވާހަކަފުޅު ދެއްކެވި އެވެ.
ސެޝަންގައި ރާއްޖޭގައި އަންހެނުންނަށް އެންމެ އާއްމު ކެންސަރު ކަމުގައިވާ އުރަމަތީގެ ކެންސަރާއި ގުޅޭ މައުލޫމާތުގެ އިތުރުން، ރަހިމުގެ ދޮރަށް ޖެހޭ ކެންސަރު، ވާރުތަވާ ކެންސަރު މީގެ އިތުރުން އޮވަރީ ނުވަތަ ބިސްރަވައަށް ޖެހޭ ކެންސަރާއި ގުޅޭ މައުލޫމާތު މި ސެޝަންގައި އެސްއޯޖީއެމް އިން ބައިވެރިންނާ ހިއްސާ ކުރި އެވެ.
ކޮމިޝަނުން މި ސެޝަންގައި ބައިވެރިވުމަށް ހުޅުވާލި ފުރުސަތުގައި ބްރޯޑްކާސްޓަރުންގެ ތެރެއިން، ޕީއެސްއެމް، އެސްއެސްޓީވީ، ވީޓިވީ، ވަގުތުޕްލަސް އިން ވަނީ ބައިވެރިވެފައި އެވެ.
މި ސެޝަންގައި ކޮމިޝަނުގެ މުވައްޒަފުންވެސް ބައިވެރިވި އެވެ. ކޮމިޝަނުން މަސައްކަތް ކުރަނީ ބްރޯޑްކާސްޓަރުންނަށް ތަފާތު އެކި ކަހަލަ ޓްރެއިނިންތަކުގެ އިތުރުން ފެންވަރު ރަނގަޅު ކޮންޓެންޓް އުފެއްދުމަށް މި ފަދަ ސެޝަންތަކުގައި ބައިވެރިވުމުގެ ފުރުސަތު ދީ އަދި ނެޓްވޯކް ކުރުމުގެ ފުރުސަތު ހޯދާދިނުމަށެވެ.