ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ރާއްޖޭގެ ރީބްރޯޑްކާސްޓް ނެޓްވާކްތަކުގައި ދިވެހި ޗެނެލްތައް ހިމެނުން
September 1, 2013
ނަންބަރު: 427-LCM/CIR/2013/10
ސަރކިއުލަރ
ރާއްޖޭގެ ރީބްރޯޑްކާސްޓް ނެޓްވާކްތަކުގައި ދިވެހި ޗެނެލްތައް ހިމެނުމާ ގުޅޭ
ރާއްޖޭގެ ގިނަ ރަށްރަށުގައި އޮޕަރޭޓްކުރަމުންދާ ރީބްރޯޑްކާސްޓް ނެޓްވާކްތަކުގައި ބައެއް ދިވެހި ޗެނަލްތައް ނުހިމަނައި ހުންނަކަމުގެ ޝަކުވާ އާއި އެކަމުގެ ސަބަބުން ބައެއް ރަށްރަށުގައި މަސްލަހަތު ގެއްލެމުންދާ ކަމަށް މި ކޮމިޝަނަށް މައުލޫމާތު ލިބެމުންދެއެވެ.
އެނގިވަޑައިގެންފައިވާނޭ ފަދައިން، ޚަބަރާއި މައުލޫމާތު ފެތުރުމަށް އެއް ފަރާތަށް ވުރެ ގިނަ ފަރާތްތައް ބައިވެރިވެވޭނޭ ގޮތް ހަމަޖައްސައިދިނުމާއި ތަފާތު ބާވަތްތަކުގެ ޚިޔާލުތަކާއި ތަފާތު ވިސްނުންތަކަށް ފުރުޞަތު ލިބޭނޭ ގޮތް ހަމަޖައްސައިދިނުމަކީ ޤާނޫނު ނަމްބަރ: 2010/16 (ބްރޯޑްކާސްޓްކުރުމުގެ ޤާނޫނު) ގެ މަޤުސަދުގެ ތެރޭގައި ހިމެނޭ ކަމަކަށް ވާތީ، މި ދެންނެވި މަޤްސަދު ހާސިލްކުރުމަށް، ރީބްރޯޑްކާސްޓްކުރާ ނެޓްވާކްތަކުގައި ވީހާ ގިނަ ދިވެހި ޗެނެލްތައް ހިމެނުމަށް ރީބްރޯޑްކާސްޓަރުން ސަމާލުކަން ދިނުމަކީ މި ކޮމިޝަންގެ އެދުމެކެވެ.
މައުލޫމާތު ލިބިގަތުމުގެ ދޮރު ހުރިހާ ފަރާތްތަކަށް ވެސް ފަސޭހަކަމާއެކު ހުޅުވިފައި އޮތުމަކީ މުހިންމު ކަމެއް ކަމުގައި މި ކޮމިޝަނުން ދެކެމެވެ. އަދި އެ މީހަކު ބަލަން ބޭނުންވާ ޗެނަލެއް މިނިވަންކަމާއެކު ޚިޔާރުކުރުމުގެ ފުރުސަތު އެ މީހަކަށް ލިބިފައި އޮތުމަކީ ޚަބަރާއި މައުލޫމާތު އެންމެ ފުޅާ ދާއިރާއެއްގައި ލިބިގަތުމުގެ ހައްގު ކަށަވަރުވެގެންދާނޭ ކަމެއް ކަމުގައި ވެސް މި ކޮމިޝަނުން ދެކެމެވެ.
ވީމާ، ރީބްރޯޑްކާސްޓަރުންގެ ނެޓްވާކްތަކުގައި ހުރިހާ ދިވެހި ޗެނެލްތައް ވެސް ހިމެނުމަށް މަސައްކަތްކުރުމަށާއި އަދި ވަކިން ޚާއްސަކޮށް ރައްޔިތުން ބަލަން ބޭނުންވާ ޗެނެލްތައް ހިމެނުމަށް ޚާއްސަ ސަމާލުކަމެއް ދިނުމަށް ރާއްޖޭގައި ރީބްރޯޑްކާސްޓްކުރާ ހުރިހާ ފަރާތްތަކަށް މި ކޮމިޝަނުން އިލްތިމާސްކުރަމެވެ.
25 ޝައްވާލު 1434
01 ސެޕްޓެމްބަރ 2013