މޯލްޑިވްސް ބްރޯޑްކާސްޓް އެވޯޑްސް 2022

---

ވިޝަން އޮފް ދަ ފިއުޗާ ކުރެހުމުގެ މުބާރާތް ނަތީޖާ ފާޅުކޮށް ވަނަވަނައަށް އައި ދަރިވަރުންނަށް އިނާމް ދީފި

January 29, 2025

މޯލްޑިވްސް ބްރޯޑްކާސްޓިން ކޮމިޝަނުން 2024 ވަނަ އަހަރު ބްރޯޑްކާސްޓް ދުވަހާއި ގުޅުވައިގެން ބޭއްވި ކުރެހުމުގެ މުބާރާތް “ވިޝަން އޮފް ދަ ފިއުޗާ” ކުރެހުމުގެ މުބާރާތް ވަނަތަކަށް އައި ދަރިވަރުންނަށް އިނާމް ދީ މުބާރާތުގައި ބައިވެރި ހުރިހާ ކުދިންގެ ކުރެހުންތައް މައުރަޒުގައި ދައްކާލައިފި އެވެ.
25 ޖެނުއަރީގައި ނެޝެނަލް އާޓް ގެލެރީގައި އޮތް މި ރަސްމިއްޔާތުގެ ޝަރަފުވެރިކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު އެވެ.
މި މުބާރާތުގައި ވަނަތައް ހާސިލް ކުރި ދަރިވަރުންނަކީ؛
6 އަހަރާއި 9 އަހަރުގެ ބައިން:
1 ވަނަ- ޔަލީނާ އައިޝާ ހުސެން
2 ވަނަ-އަހުމަދު އިޒްޔާން އަބްދުﷲ ޤާސިމް
3 ވަނަ-އާމިނަތު މާޝާ އަލީ

10 އަހަރާއި 13 އަހަރުގެ ބައިން:
1 ވަނަ-މާލިން ހަސަން ފާރިޝް
2 ވަނަ-އައިޝަތު މާޔާ އަލީ
3 ވަނަ-އަބްދުﷲ ނަޒީލް ބިންތި މުހައްމަދު ރައީފް

14 އަހަރާއި 16 އަހަރުގެ ބައިން:
1 ވަނަ-ފާތިމަތު މަންޝާ އިބްރާހިމް
2 ވަނަ-އައިޝަތު ރީމް
3 ވަނަ-އައިޝަތު އައިލީން ސަލާމް

މުބާރާތުގައި ވަނަތަކަށް އައި ބައިވެރިންނަށް އިނާމް ހުށަހަޅާފައިވަނީ އަސްރަފީ ބުކްޝޮޕް، މިއުސް، ކްރާފްޓީ ވޯލްޑް، ސޮލްޓީ ޕީޕަލް އަދި ދަ ކްލޭ ސްޓޫޑިއޯ އޮފް މޯލްޑިވްސް އިންނެވެ.

ރަސްމިއްޔާތުގައި މުބާރާތުގެ ފަނޑިޔާރުކަން ކުރެއްވި ފަނޑިޔާރުން ކަމުގައިވާ އަހުމަދު ނިހާދު އަދި މައިމޫނާ އަށާއި ސްޕޮންސަރުންނަށްވެސް ހަނދާނީ ލިޔުން ދީ ބައިވެރި ހުރިހާ ދަރިވަރުންނަށް ބްރޯޑްކާސްޓިން ކޮމިޝަނުގެ ރެކްރިއޭޝަން ކްލަބުން ވަނީ އިނާމް ދީފައިވެ އެވެ.