ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ވިޝަންސް އޮފް ދަ ފިއުޗާ އާޓް މުބާރާތުގެ ސުންގަޑި 30 އޮކްޓޫބަރަށް ހަމަވެއްޖެ
October 30, 2024
މޯލްޑިވްސް ބްރޯޑްކާސްޓިން ކޮމިޝަނުން އިންތިޒާމުކޮށްގެން ބާއްވާ ކުރެހުމުގެ މުބާރާތް ވިޝަންސް އޮފް ދަ ފިއުޗާގެ ބައިވެރިވުމުގެ މުއްދަތުވަނީ 30 އޮކްޓޯބަރު 2024 ގައި ހަމަވެފައި އެވެ.
މުބާރާތަށް އެންޓްރީ ހުށެހެޅުން ސުންގަޑި ހަމަވުމާއި އެކު ދެން ކުރިއަށް އޮތ މިމުބާރާތުގެ ނަތީޖާ ފާޅުކުރުމާއި ވަނަވަނަ ހޮވުމެވެ. ވަނަތައް ހޮވުމުގައި އެންޓްރީތައް އިވެލުއޭޓްކޮށް ވަނަތައް ހޮވުމުގެ މުހިންމު މަސައްކަތް ކުރިއަށްގެންދާނީ އައުޓްސޯސް ކޮށްގެން ހޮވާލާ ހުނަރުވެރި އާޓް ޕްރޮފެޝަނަލުންގެ ޕެނަލަކުން އެވެ.
މި މުބާރާތުގެ މަގުސަދުތަކަކީ:
• ބްރޯޑްކާސްޓިން ދާއިރާއަށާއި ރާއްޖޭގައި ހަރަކާތްތެރިވާ ރޭޑިއޯ/ޓީވީ ޗެނަލްތަކުން ފޮނުވާ ކޮންޓެންޓަށް ސްކޫލް ދައުރުގެ ދަރިވަރުންގެ ޝައުގުވެރިކަން އިތުރުކުރުން
• ކޮންޓެންޓް އުފައްދާ މީހުންގެ މަސައްކަތް ކުޑަކުދިންގެ އަމިއްލަ ހިޔާލުން ސިފަ ކުރާ ގޮތް ދެނެގަތުން
• ބްރޯޑްކާސްޓިން ދާއިރާއާ ގުޅުވާލާފައި މިފަދަ މުބާރާތެއް އިންތިޒާމް ކުރުމުގެ ބޭނުމަކީ ދަރިވަރުންގެ ފަންނީ ހުނަރު ތަރައްގީކުރުމާއި، ބްރޯޑްކާސްޓިން ދާއިރާއަށް ހޭލުންތެރިކޮށް ދިވެހި ކޮންޓެންޓަށް ޝައުގުވެރިކަން އިތުރު ކުރުން
• މިކަމުގެ ސަބަބުން ދިވެހި ބަހާއި ދިވެހިންގެ ތާރީހާއި އާދަކާދައަށް ލޯބި ކުރުން އިތުރުވާނެ
މި މުބާރާތް އުންމެ ފުރިހަމަ ގޮތުގައަ ކުރިއައް ގެންދިއުމަށް މުބާރާތުގެ ސްޕޮންސަރުން ގޮތުގައި އިނާމު ހުށަހަޅާފައިވާ ފަރާތްތައް ކަމުގައިވާ އަސްރަފީ ބުކްޝޮޕް، ދަ ކްލޭ ސްޓޫޑިއޯ މޯލްޑިވްސް، ކްރާފްޓީ ވޯލްޑް، ސޯލްޓީ ޕީޕަލް، އަދި މިއުސް ދެއްވި އެއްބާރުލުމަށް ކޮމިޝަނުން އެ ފަރާތަށް ޝުކުރު އަދާކުރެ އެވެ.
މުބާރާތުގެ ނަތީޖާ އިއުލާންކޮށް ވަނަތައް ދިނުން މި ފެށޭ ނޮވެމްބަރު މަހު ކުރިއަށްް ގެންދާނެ އެވެ.