ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޝަކުވާ ނިންމި ގޮތުގެ ބަޔާން (CAC-13/2015)
May 21, 2015
ޝަކުވާ ނިންމި ގޮތުގެ ބަޔާން (CAC-13/2015)
ޝަކުވާ ނަމްބަރު: CAC-13/2015
ޝަކުވާ ހުށެހެޅި ތާރީޙް: 03 މޭ 2015
ހުލާސާ: މިއީ، މޭޑޭގެ މުޒާހަރާއާއި ގުޅިގެން ހައްޔަރުކުރެވުނު މީހުންގެ ބަންދުގެ މުއްދަތު އިތުރުކުރުމަށް ފުލުހުން ކްރިމިނަލް ކޯޓަށް ޙާޟިރުކުރެވުނު މީހުންގެ ތެރެއިން ސ. ހިތަދޫ ލިއޯން އަނީލް މުފީދުގެ ބަންދަށް 15 ދުވަސް ކޯޓުންޖަހައި ދިނުމުން އޭނާ ޤާޟީއަށް މުޙާތަބުކޮށް “ޝުކުރިއްޔާ” މިގޮތަށް ދެންނެވުމުން އެއީ ކޯޓުގެ ޙުރުމަތް ކެނޑީކަމަށް ބަލައި ހަމަ ވަގުތުން ޤާޟީ ވަނީ އަނީލް މުފީދު 6 މަސްދުވަހަށް ޖަލަށްލުމަށް ޙުކުމްކޮށްފަކަމަށް ވީޓީވީ އިން ވަނީ 2 މޭ 2015 ވީ ހޮނިހިރު ދުވަހުގެ ރޭގަނޑު 08:00ގެ ޚަބަރުގައި ގެނެސްދީފައިކަމަށާއި، ވީޓީވީ އިން ގެނެސްދިން މި ޚަބަރަކީ ކަނޑައެޅިގެން ޝަރުޢީ ކޯޓުތަކާއި ފަޑިޔާރުންނަށް އާންމު މީހުންގެ ނަފްރަތު ނުވަތަ ރުޅިވެރިކަން އިތުރުކުރުމަށް ފަތުރާފައިވާ ޚަބަރެއްކަމަށާއި، ސަބަބަކީ ކްރިމިނަލް ކޯޓުން ކުރެވިފައިވާ ޙުކުމާއި ރާއްޖޭގެ އޮންލައިން މީޑިއާތަކާއި ޓީވީ ރޭޑިއޯތަކުން މި ޚަބަރު ގެނެސްދީފައިވާގޮތާއި ވީޓީވީ އާއި ވީއެފެއެމް އިން ގެނެސްދީފައިވާ ގޮތާއި ތަފާތުތަކެއް ހުރިކަމަށް ބުނެ ހުށަހަޅާފައިވާ މައްސަލައެކެވެ.
ނިންމި ގޮތް: މަތީގައިވާ ކަންކަމަށް ބަލައި ނަޒަރުކުރުމުން، ވީޓީވީގެ 2 މޭ 2015 ވީ ހޮނިހިރު ދުވަހުގެ ރޭގަނޑު 08:00ގެ ޚަބަރުގައި ގެނެސްދިން މި މައްސަލައާ ގުޅުންހުރި ކޮންޓެންޓް، ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފްވާކަމަށް ބެލޭނެ ޖާގައެއް ނެތްކަމަށް ކަނޑައަޅައި، މި މައްސަލަ ބެލި ޖަލްސާގައި ބައިވެރިވި މެންބަރުންގެ އަޣުލަބިއްޔަތުން ނިންމީއެވެ.
21 މޭ 2015