ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
އެއްވުމާ ގުޅޭ ގޮތުން ހަރަކާތްތެރިވާ ނޫސްވެރިން އެއްވެ އުޅުންތައް ކަވަރުކުރުމުގައި ބޭނުންކުރުމަށް ކަނޑައަޅާފައިވާ ކާޑުގެ ބޭނުން ކުރުމަށް ކޮމިޝަނުން އިލްތިމާސްކޮށްފި
February 25, 2015
ސުލްހަވެރިކަމާއި އެކު އެއްވެއުޅުމުގެ މިނިވަންކަމުގެ ޤާނޫނުގެ ދަށުން، ކޮމިޝަނުން އެކުލަވާލާފައިވާ އެއްވުމާ ގުޅޭ ގޮތުން ހަރަކާތްތެރިވާ ނޫސްވެރިން އެކްރެޑިޓްކުރުމުގެ ގަވާއިދާ )ގަވާއިދު ނަންބަރު:2013/R-27) އެއްގޮވާގޮތުގެ މަތީން އެއްވެ އުޅުންތައް ކަވަރުކުރުމުގައި ބޭނުންކުރުމަށް ކަނޑައަޅާފައިވާ ކާޑުގެ ބޭނުން ކުރުމަށް މޯލްޑިވްސް ބްރޯޑްކާސްޓިންގ ކޮމިޝަނުން އިލްތިމާސްކޮށްފިއެވެ.
މިކަމާ ގުޅޭގޮތުން، ކޮމިޝަނުން ޢާންމު ކޮށްފައިވާ ސަރކިއުލަރގައި އިތުރަށް ބަޔާން ކޮށްފައިވަނީ، ކާޑު ހެއްދެވުމަށް ހުށަހަޅާ އެޕްލިކޭޝަން ފޯމްއާއި އެއްވުމާ ގުޅޭ ގޮތުން ހަރަކާތްތެރިވާ ނޫސްވެރިން އެކްރެޑިޓްކުރުމުގެ ގަވާއިދު ކޮމިޝަންގެ ވެބްސައިޓް www.broadcom.org.mv އިން ޑައުންލޯޑް ކުރެވޭނެ ކަމަށެވެ.
މިހާރު މާލޭގައި ކުރިއަށްގެންދާ ސިޔާސީ އެއްވުންތަކާ ގުޅިގެން، ބްރޯޑްކާސްޓަރުން މިފަދަ ދަނޑިވަޅުތަކުގައި ސަމާލުވާންވީ ކަންކަމާ ބެހޭގޮތުން މަޢުލޫމާތު ދިނުމަށް ކޮމިޝަނުން ވޭތުވެ ދިޔަ ހަފްތާގައި ބޭއްވި ބައްދަލުވުމުގައިވެސް ކޮމިޝަންގެ ރައީސް މުޙައްމަދު ޝަހީބު ވަނީ ސުލްހަވެރިކަމާއި އެކު އެއްވެއުޅުމުގެ މިނިވަންކަމުގެ ޤާނޫނުގެ ދަށުން އެއްވުން ކަވަރުކުރުމަށް ކޮމިޝަނުން އެކްރެޑިޓްކޮށްފައިވާ ކާޑުގެ ބޭނުން އެއްވެ އުޅުންތައް ކަވަރުކުރާ ފަރާތްތަކުން ބޭނުންކުރެއްވުމަށް އެދިވަޑައިގެންފައެވެ.