ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ރާއްޖޭގައި ކޭބަލް ޓެލެވިޜަންގެ ޚިދުމަތް ދިނުމުގެ ލައިސަންސް ނެތި ބައެއް ރަށްރަށުގައި ކޭބަލް ޓެލެވިޜަންގެ ޚިދުމަތް ދިނުން އާންމު ވަމުންދާތީ
August 16, 2011
ނޫސް ބަޔާން
ރާއްޖޭގައި ކޭބަލް ޓެލެވިޜަންގެ ޚިދުމަތް ދިނުމުގެ ލައިސަންސް ނެތި ބައެއް ރަށްރަށުގައި ކޭބަލް ޓެލެވިޜަންގެ ޚިދުމަތް ދިނުން އާންމު ވަމުންދާކަން މި ކޮމިޝަނަށް ވަނީ ފާހަގަ ކުރެވިފައެވެ. އަދި ކޭބަލް ޓެލެވިޜަންގެ ޚިދުމަތް މެދުވެރިކޮށް އަމިއްލަ ކޮންޓެންޓް ބްރޯޑްކާސްޓް ކުރަމުން ގެންދާކަމުގެ މަޢުލޫމާތު ވެސް މިކޮމިޝަނަށް ވަނީ ލިބިފައެވެ.
ރާއްޖޭގައި ދެމުންގެންދާ ކޭބަލް ޓެލެވިޜަންގެ ޚިދުމަތަކީ އެކަމަށް ކަނޑައެޅިފައިވާ ވަކި ގަވާޢިދެއްގެ ދަށުން މޯލްޑިވްސް ބްރޯޑްކާސްޓިންގ ކޮމިޝަނުން އެކަމަށް ހާއްސަކޮށް ދޫކުރާ ލައިސަންސް ލިބިގެން މެނުވީ ޢާންމު ރައްޔިތުންނަށް ފޯރުކޮށްދެވޭނެ ޚިދުމަތެއް ނޫން ކަމުގައި ދަންނަވަމެވެ. އަދި ކޭބަލް ޓެލެވިޜަންގެ ޚިދުމަތްދޭ އެއްވެސް ފަރާތްތަކުން އަމިއްލަ ކޮންޓެންޓް ބްރޯޑްކާސްޓް ކުރުމަކީ، ބްރޯޑްކާސްޓް ކުރުމުގެ ޤާނޫނާއި، ކޭބަލް ޓެލެވިޜަންގެ ޚިދުމަތް ދިނުމުގެ ޤަވާޢިދާ ޚިލާފަށް ކުރަމުން ގެންދާ ކަމެކެވެ.
ވީމާ ލައިސަންސް ނެތި ކޭބަލްޓެލެވިޜަންގެ ހިދުމަތް ދިނުމާއި، ކޭބަލް ޓެލެވިޜަންގެ ހިދުމަތް މެދުވެރިކޮށް އަމިއްލަ ކޮންޓެންޓް ފޮނުވުން ހުއްޓާލުމަށް މިކޮނިޝަނުން ވާނީ އާންމުކޮށް އިއުލާނުކޮށްފައެވެ.
16 އޯގަސްޓް 2011