ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ލައިސަންސްގެ އަހަރީ ފީ އާއި ޖޫރިމަނާ ނަގާ އުސޫލަށް ބަދަލު އައުން
March 23, 2017
ނަންބަރު: (IUL)427-LCM/1/2017/12
އިއުލާން
ލައިސަންސްގެ އަހަރީ ފީ އާއި ޖޫރިމަނާ ނަގާ އުސޫލަށް ބަދަލު އައުން
އަހަރީ ފީ ދެއްކުން ލަސްވުމުން ނަގާ ޖޫރިމަނާ ފައިސާގެ އަދަދަށް، ބްރޯޑްކާސްޓްކުރުމުގެ ޤަވާއިދުގެ 2ވަނަ އިސްލާހަށް 7 މާރިޗު 2017 އިން ފެށިގެން އަދި ރީބްރޯޑްކާސްޓްކުރުމުގެ ޤަވާއިދުގެ 3ވަނަ އިސްލާހަށް 8 ފެބްރުއަރީ 2017 އިން ފެށިގެން އަމަލުކުރަން ފެށުމާގުޅިގެން، މި ކޮމިޝަނުން ދޫކުރާ ލައިސަންސްގެ އަހަރީ ފީ އާއި ޖޫރިމަނާ ދެއްކުމުގައި މިއަދުން ފެށިގެން ތިރީގައިވާ ގޮތުގެ މަތީން ބަދަލު ގެނައުމަށް ކޮމިޝަނުން ވަނީ ނިންމާފައެވެ.
- 31 މާރިޗު ގެ ފަހުން އަހަރީ ފީ ދައްކާ ނަމަ، އަހަރީ ފީ އާއި ޖޫރިނަމާ އެއްކޮށް ނެގުން.
- މި ދެންނެވި ޤަވާއިދުތަކަށް ގެނެވުނު އިސްލާހުތަކަށް އަމަލުކުރަން ފެށުނު ތާރީޚާ ހަމައަށް ހިނގަހިނގާ ހުރި ޖޫރިމަނާ ފައިސާ އެއް ދައްކަން ޖެހޭ ފަރާތްތަކުން ފައިސާ ގެނުމުގައި، މިހާރު ކަނޑައެޅިފައިވާ ޖޫރިމަނާގެ ސީލިންގ ނުވަތަ އެންމެ މަތީން ޖޫރިމަނާ ކުރެވޭ އަދަދު (250000ރ ނުވަތަ އަހަރީ ފީގެ ދެ ގުނަ މި ދެ އަދަދުންކުރެ ބޮޑު ޢަދަދެއް) ހަމަޖެއްސުން.
- 2016 ވަނަ އަހަރުގެ ނުވަތަ އޭގެ ކުރީ އަހަރެއްގެ ޖޫރިމަނާ ފައިސާ އެއް ދައްކަން ޖެހި ނުދައްކާ އޮތް ފަރާތްތަކުން، ކުރިން ޖޫރިމަނާ ފައިސާ ނެގުމުގައި އަމަލުކުރި އުސޫލުން އެ ފައިސާ ހޯދުމަށް ކޯޓަށް ހުށަހެޅުން.
މި އިއުލާނާއި ގުޅިގެން، ޖޫރިމަނާ ފައިސާ ނެގުމާ ގުޅޭގޮތުން 08 އޮކްޓޯބަރ 2014ގައި ނެރުނު މި ކޮމިޝަނުގެ ނަމަބްރ: (IUL)427-LCM/1/2014/57 އިއުލާން ބާތިލްވީއެވެ. ވީމާ، ބްރޯޑްކާސްޓްކުރުމުގެ ޚިދުމަތާއި ރީބްރޯޑްކާސްޓްކުރުމުގެ ޚިދުމަތް ދިނުމަށް މި ކޮމިޝަނުން ލައިސަންސް ލިބިފައިވާ ފަރާތްތަކުގެ ސަމާލުކަމަށް މި ކަން ގެނެއުމަށް އާއްމުކޮށް އިއުލާންކުރަމެވެ.
23 މާރޗް 2017