ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
މުޅިރާއްޖެއަށް ބްރޯޑްކާސްޓްކުރުމަށް އިތުރު ހަތް ލައިސަންސެއް ޕީ.އެސް.އެމްއަށް ދޫކޮށްފި
September 8, 2015
މުޅިރާއްޖެއަށް ބްރޯޑްކާސްޓްކުރުމަށް ޕަބްލިކް ބްރޯޑްކާސްޓަރ “ޕަބްލިކް ސަރވިސް މީޑިއާ”އަށް އާ 7 ލައިސަންސެއް ބްރޯޑްކާސްޓިންގ ކޮމިޝަނުން މިއަދު ދޫކޮށްފިއެވެ.
މިއަދު މެންދުރުފަހު، ކޮމިޝަންގައި ބޭއްވި ބައްދަލުވުމުގައި ކޮމިޝަންގެ ފަރާތުން ލައިސަންސްތައް ހަވާލުކޮށްދެއްވީ ބްރޯޑްކާސްޓިންގ ކޮމިޝަންގެ ރައީސް މުޙައްމަދު ޝަހީބެވެ. ޕީ.އެސް.އެމްގެ ފަރާތުން ލައިސަންސްތަކާ ހަވާލުވެވަޑައިގަތީ މެނޭޖިންގ ޑިރެކްޓަރ އިބްރާހީމް ޚަލީލެވެ.
މިއަދުގެ ބައްދަލުވުމުގައި ވާހަކަދައްކަވަމުން، ކޮމިޝަންގެ ރައީސް މުޙައްމަދު ޝަހީބު ވަނީ ޕީ.އެސް.އެމް އިން ބްރޯޑްކާސްޓް ދާއިރާގެ ތަރައްޤީއާއި ކުރިއެރުމަށް ކުރަމުންދާ މަސައްކަތްތައް ފާހަގަކުރައްވާ އަދި އަލަށް އުފެއްދުމަށް ނިންމާފައިވާ ހަތް ޗެނަލްގެ ސަބަބުން އާންމުންނަށް އިތުރު ފަސޭހަތަކަކާއި ކުރިއެރުންތަކެއް ލިބޭނެކަމަށް ޔަގީންކުރައްވާކަމަށް ވިދާޅުވެފައެވެ.
މިއަދު އަލަށް ދޫކުރެވުނު ހަތް ލައިސަންސާއެކު ޕީ.އެސް.އެމްއަށް ޖުމްލަ 11 ޗެނަލް ހިންގުމުގެ ލައިސަންސް ވަނީ ކޮމިޝަނުން ދޫކޮށްފައެވެ. މީގެތެރޭގައި ހިމެނެނީ 7 ޓީވީ ޗެނަލާއި 4 ރޭޑިއޯ ޗެނަލެވެ.