ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
އެއްވެސް ފަރާތެއްގެ ފޮޓޯ އެކޮޅުކޮޅުން ޖަހައިގެން ބްރޯޑްކާސްޓް ނުކުރުމަށް ދި އެފް.އެމް ޕްލަސް އާއި ދިޓީވީ އަށް އަންގައިފި
February 13, 2014
އެއްވެސް ފަރާތެއްގެ ފޮޓޯ އެކޮޅުކޮޅުން ޖަހައިގެން ބްރޯޑްކާސްޓް ނުކުރުމަށާއި މޯލްޑިވްސް ބްރޯޑްކާސްޓިން ކޮމިޝަންގެ އެންގުންތަކަށް ހުރުމަތްތެރިކޮށް ހިތުމަށް ދި އެފް.އެމް ޕްލަސް އާއި ދިޓީވީ އަށް މޯލްޑިވްސް ބްރޯޑްކާސްޓިންގ ކޮމިޝަނުން މިއަދު އަންގައިފި އެވެ.
ތިރީގައި މިވަނީ މިކަމާއި ގުޅިގެން މޯލްޑިވްސް ބްރޯޑްކާސްޓިންގ ކޮމިޝަނުން މިއަދު ނެރުނު ސަރކިއުލަރ އެވެ.
“ދިއެފް.އެމް ޕްލަސް އާއި ދިޓީވީން އިއްޔެ ހެނދުނުން ފެށިގެން ބްރޯޑްކާސްޓްކުރި ކޮންޓެންޓްގައި، އިލެކްޝަންސް ކޮމިޝަންގެ ރައީސް ފުއާދު ތަޢުފީގުގެ ފޮޓޯ އެކޮޅުކޮޅުން ޖަހާފައިވާކަން މި ކޮމިޝަނަށް ފާހަގަކުރެވިގެން އެ މައްސަލަ ބަލަން ފަށައި، އަދި އެ މައްސަލަ ބަލައި ނިމެންދެން އެ ފަދަ ކޮންޓެންޓް ބްރޯޑްކާސްޓް ނުކުރުމަށް އެ ދެ ސްޓޭޝަނަށް އެންގުމުން، އެ ކޮންޓެންޓް ނެގުމަށް ފަހު، ކުރީގެ ރައީސުލްޖުމްހޫރިއްޔާ މުޙައްމަދު ނަޝީދާއި އެމް.ޑީ.ޕީގެ ޗެއަރ ޕާސަން އަދި ރައްޔިތުންގެ މަޖިލީހުގެ ހުޅުހެންވޭރު ދާއިރާގެ މެންބަރު ރީކޯ މޫސާ މަނިކުގެ ފޮޓޯ، އެކޮޅުކޮޅުން ޖަހައިގެން ރެއިން ފެށިގެން ބްރޯޑްކާސްޓްކުރަމުންދާކަން މި ކޮމިޝަނަށް ވަނީ ފާހަގަކުރެވިފައެވެ. އަދި މި މައްސަލަތައް ބަލައި ނިމެންދެން، އެއްވެސް ފަރާތެއްގެ ފޮޓޯ އެކޮޅުކޮޅުން ޖަހައިގެން ނުވަތަ، އެއްވެސް މީހެއްގެ ހުރުމަތް ކެނޑިދާ ފަދަ ނުވަތަ އިއްޒަތާއި ޤަދަރަށް އުނިކަމެއް އަތުވެދާ ފަދަ ނުވަތަ ނިކަމެތިކަމެއް ލިބިދާނެ ގޮތަށް ބްރޯޑްކާސްޓް ނުކުރުމަށާއި އަދި މި ކޮމިޝަންގެ އެންގުންތަކަށް ހުރުމަތްތެރިކޮށް ހިތުމަށް އެ ދެ ސްޓޭޝަނަށް މި ކޮމިޝަނުން ވާނީ އަންގައިފައެވެ.
“ދައުލަތުގެ އެކިއެކި މުއައްސަސާތަކުގެ ވެރިންގެ ފޮޓޯ، އެ ބޭފުޅުންގެ ގަދަރަށް އުނިކަން ލިބޭ ގޮތަށް ބައެއް ޗެނަލްތަކުން މީގެ ކުރިންވެސް ބްރޯޑްކާސްޓްކުރުމުން އެ މައްސަލަތައް މި ކޮމިޝަނުން ބެލިއިރު، ބައެއް ޗެނަލްތަކުން ފޮނުވާފައިވާ ކޮންޓެންޓަކީ ބްރޯޑްކާސްޓްކުރުމުގެ ޤާނޫނުގެ 37 ވަނަ މާއްދާގެ ދަށުން އެކުލަވާލާފައިވާ ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްގެ ތިން ވަނަ ހަމައިގެ (1) އާ ޚިލާފު ކޮންޓެންޓް ކަމަށްވާތީ، ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފުވެފައިވާ ފަރާތްތަކާ މެދު މި ކޮމިޝަނުން ވާނީ ފިޔަވަޅު އަޅައިފަ އެވެ.
“ވީމާ ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްގައި ކަނޑައަޅާފައިވާ ހަމަތަކާއި މިންގަނޑުތަކަށް ސަމާލުވުމަށް ހުރިހާ ބްރޯޑްކާސްޓަރުންނަށް ހަނދާންކޮށްދިނުމަށް މި ފުރުސަތުގެ ބޭނުންކުރަމެވެ.”