ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ނޮވެމްބަރ 17ގެ ހެނދުނު 06:00 ގެ ކުރިން “އަންދަލުސް” ދަރުސް ބްރޯޑްކާސްޓް ނުކުރުމަށް ހުރިހާ ބްރޯޑްކާސްޓަރުންނަށް އެންގުން
November 16, 2013
ނަންބަރު: 427-BUR/CIR/2013/17
ސަރކިއުލަރ
ޤާނޫނު ނަންބަރު 2008/11 (އިންތިހާބުތަކާ ބެހޭ އާންމު ޤާނޫނު)ގެ 44 ވަނަ މާއްދާގައިވާ ގޮތުން، އިންތިޙާބުގައި ވާދަކުރައްވާ އެއްވެސް ކެނޑިޑޭޓަކަށް ތާއިދު ލިބޭފަދަ ނުވަތަ ތާއީދުކުޑަވާފަދަ ނުވަތަ އިންތިޙާބަށް ނުފޫޒެއް ފޯރަފާނެ އެއްވެސް އަމަލެއް 2013 ނޮވެމްބަރ 15 ވާ ހުކުރު ދުވަހުގެ ހަވީރު 06:00 އިން ފެށިގެން 2013 ނޮވެމްބަރ 17 ވާ އާދިއްތަ ދުވަހުގެ ހެނދުނު 06:00 އާ ދެމެދު އެއްވެސް ވަސީލަތެއްގެ އެހީގައި އެއްވެސް ފަރާތަކުން ނުހިންގުމަށް އިލެކްޝަންސް ކޮމިޝަނުން 14 ނޮވެމްބަރ 2013 އާންމުކޮށް އިޢުލާންކުރައްވާފައި ވަނިކޮށް، ދިޓީވީ، ވީޓީވީ، ޗެނަލް1 އަދި ޗެނަލް 13 އިން 15 ނޮވެމްބަރ 2013 ވަނަ ދުވަހުގެ ރޭ 18:00 ގެ ފަހުން މޯލްޑިވިއަން ޑިމޮކްރެޓިކް ޕާޓީގެ ކެނޑިޑޭޓަށާއި އެޕާޓީގެ މެނިފެސްޓޯ އާ ގުޅުވައި ހަޤީޤަތާއި ޚިލާފްވާހަކަތަކެއް ހިމެނޭ ގޮތުން ފާޑު ކިޔާފައިވާ “އަންދަލުސް” ކިޔާ ދީނީ ދަރުސެއް ފޮނުވާފައިވާކަމަށް އިލެކްޝަންސް ކޮމިޝަނުން މި ކޮމިޝަނަށް ވަނީ އަންގަވާފައެވެ. އަދި އެ މައްސަލަ މި ކޮމިޝަނުން މިދަނީ ބަލަމުންނެވެ.
ވީމާ، މި މައްސަލަ ބަލައި ނިމެންދެން، 2013 ނޮވެމްބަރ 17 ވާ އާދިއްތަ ދުވަހުގެ ހެނދުނު 06:00 ގެ ކުރިން “އަންދަލުސް” ދަރުސް ބްރޯޑްކާސްޓް ނުކުރުމަށް ރާއްޖޭގެ ހުރިހާ ބްރޯޑްކާސްޓަރުންނަށް އަންގަމެވެ.
12 މުޙައްރަމް 1435
16 ނޮވެމްބަރ 2013