ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޓެލެވިޜަން މޯލްޑިވްސްގެ އަހަރީ ދުވަހުގެ މުނާސަބާތުގައި ކޮމިޝަނުން ތަހުނިޔާ ދަންނަވައިފި
March 29, 2014
ޓެލެވިޜަން މޯލްޑިވްސްގެ އަހަރީ ދުވަހުގެ މުނާސަބާތުގައި މޯލްޑިވްސް ބްރޯޑްކާސްޓިންގ ކޮމިޝަނުން ތަހުނިޔާ ދަންނަވައިފިއެވެ.
ތިރީގައި މިވަނީ ކޮމިޝަނުން ޓެލެވިޜަން މޯލްޑިވްސް އަށް ފޮނުވި ސިޓީގެ މުޙިއްމު ބައިތަކެވެ.
“ޓެލެވިޜަން މޯލްޑިވްސް އަށް 36 އަހަރު ފުރުން ފާހަގަކުރާ މި އުފާވެރި މުނާސަބަތުގައި، މޯލްޑިވްސް ބްރޯޑްކާސްޓިންގ ކޮމިޝަނުގެ އެންމެހައި ކޮމިޝަނަރުންނާއި މުވައްޒަފުންގެ ނަމުގައި އަދި އަޅުގަނޑުގެ އަމިއްލަ ނަމުގައި ޓެލެވިޜަން މޯލްޑިވްސްް އަށް ނުހަނު އިޚުލާސްތެރިކަމާއެކު ތަހުނިޔާ އާއި މުބާރަކުބާދު އަރިސްކުރަމެވެ.
” ޕަބްލިކް ސާރވިސް ބްރޯޑްކާސްޓަރެއްގެ ގޮތުން ޓެލެވިޜަން މޯލްޑިވްސް، ކޮށްދެއްވާފައިވާ ގިނަގުނަ ޚިދުމަތްތަކުގެ އަގުވަޒަންކޮށް، މި ދާއިރާ އިތުރަށް ތަރައްޤީކޮށްދެއްވުމަށް ކުރައްވާ މަސައްކަތްތަކަށް ޝުކުރުވެސް އަދާކުރަމެވެ.
“އަޅުގަނޑުގެ އުއްމީދަކީ މަޤްބޫލް ޕަބްލިކް ސަރވިސްގެ ޚިދުމަތެއް ދޭ ބްރޯޑްކާސްޓް ޗެނެލެއްގެ ގޮތުގައި ޓެލެވިޜަން މޯލްޑިވްސް ސާބިތުކަމާއެކު ދެމިއޮތުމާ އެކު މި ރޮނގުގައި އިތުރު ކާމިޔާބީތަކެއް ހާސިލްކުރުމެވެ.”