ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ގާނޫނާ ޚިލާފަށް ރީބްރޯޑްކާސްޓްކުރަމުންދާ ފަރާތްތައް ހުއްޓުވުމަށް މޯލްޑިވްސް ޕޮލިސް ސަރވިސް އަށް ހުށަހަޅަން ފަށައިފި
December 2, 2013
ލައިސަންސް ނެތި ގާނޫނާ ޚިލާފަށް ރީބްރޯޑްކާސްޓްކުރަމުންދާ ފަރާތްތަކާ މެދު ފިޔަވަޅު އެޅުމަށް މޯލްޑިވްސް ބްރޯޑްކާސްޓިންގ ކޮމިޝަނުން ނިންމައި، އެ ކަން ތަންފީޒުކޮށްދިނުމަށް މޯލްޑިވްސް ޕޮލިސް ސަރވިސް އަށް ހުށަހަޅަން ފަށައިފި އެވެ.
އެގޮތުން ގއ. ނިލަންދޫގައި “ޔުނީކްނެޓް” ކިޔާ ފަރާތަކުން ޤަވާޢިދާ ޚިލާފަށް ރީބްރޯޑްކާސްޓް ކުރަމުން ގެންދާ ކަމަށް މި ކޮމިޝަނަށް ހުށަހެޅުނު ޝަކުވާއަކާ ގުޅިގެން، އެ މައްސަލަ ބެލުމަށްފަހު، ގއ. ނިލަންދޫގައި ޤާނޫނާ ޚިލާފަށް ދެމުންދާ ރީބްރޯޑްކާސްޓިންގގެ ޚިދުމަތް މޯލްޑިވްސް ޕޮލިސް ސަރވިސް މެދުވެރިކޮށް ހުއްޓުވުމަށް ކޮމިޝަނުން މިހާރު ވާނީ ހުށަހަޅައިފައެވެ.
ރީބްރޯޑްކާސްޓްކުރުމުގެ ހިދުމަތަކީ ރައްޔިތުންނަށް ބޭނުންވާ ވަރަށް އަސާސީ ހިދުމަތަކަށް ވާތީ، އެ ހިދުމަތް ދެމުންދާ ފަރާތްތަކުން، ގާނޫނާ އެއްގޮތަށް، ލައިސަންސް ނަގައިގެން ހިދުމަތް ދިނުމަށް މި ކޮމިޝަނުން މި އަންނނީ ތަކުރާރުކޮށް އިލްތިމާސް ކުރަމުންނެވެ. އަދި ލައިސަންސް ނެތި، ޤާނޫނާ ޚިލާފަށް ރީބްރޯޑްކާސްޓްކުރާ ފަރާތްތަކާ މެދު ގާނޫނުގައިވާ ގޮތަށް ފިޔަވަޅު އަޅާނެކަން ވެސް ވާނީ އާންމުކޮށް އަންގައިފަ އެވެ.