ވިޜަން
ބްރޯޑްކާސްޓް ޚިދުމަތުގެ ފައިދާ ދިވެހި ރައްޔިތުންނަށް އެންމެ ފުރިހަމަ ގޮތުގައި ލިބިދިނުން
މިޝަން
ޤާނޫނުއަސާސީން ލިބިދޭ ޚިޔާލުފާޅު ކުރުމުގެ މިނިވަންކަން ޒިންމާދާރުކަމާއި ހަމަހަމަކަމާއެކު ދަމަހައްޓައި އާލާކޮށްދިނުން؛
ދިވެހީންގެ ދީނީ، އިޖުތިމާޢީ، ސަޤާފީ، އިޤުތިޞާދީ އަދި ސިޔާސީ ފޭރާން ރައްކާތެރިކޮށްދިނުން؛
ޤައުމު ބިނާ ކުރުމާއި ޑިމޮކްރެސީ ޢާލާކުރުމަށް މަގުފަހިކޮށްދިނުން؛ ތަފްސީލް
ޚަބަރު
ގާނޫނާ ޚިލާފަށް ރީބްރޯޑްކާސްޓްކުރަމުންދާ ފަރާތްތައް ހުއްޓުވުމަށް މޯލްޑިވްސް ޕޮލިސް ސަރވިސް އަށް ހުށަހަޅަން ފަށައިފި
December 2, 2013
ލައިސަންސް ނެތި ގާނޫނާ ޚިލާފަށް ރީބްރޯޑްކާސްޓްކުރަމުންދާ ފަރާތްތަކާ މެދު ފިޔަވަޅު އެޅުމަށް މޯލްޑިވްސް ބްރޯޑްކާސްޓިންގ ކޮމިޝަނުން ނިންމައި، އެ ކަން ތަންފީޒުކޮށްދިނުމަށް މޯލްޑިވްސް ޕޮލިސް ސަރވިސް އަށް ހުށަހަޅަން ފަށައިފި އެވެ.
ބްރޯޑްކާސްޓްކުރުމުގެ ޤަވާއިދާއި އެއްގޮތަށް އަހަރީ ރިޕޯޓް ހުށަނާޅާ ދެ ބްރޯޑްކާސްޓަރަކާ މެދު ފިޔަވަޅުއެޅުމަށް ޕްރޮސެކިއުޓަރ ޖެނެރަލަށް ފޮނުވައިފި
December 1, 2013
ބްރޯޑްކާސްޓްކުރުމުގެ ޤަވާއިދުގެ 9 ވަނަ މާއްދާގައި ބަޔާންކޮށްފައިވާ ލައިސަންސް ދިނުމުގެ ޢާއްމު ޝަރުތެއްކަމުގައިވާ ހިނގައިދިޔަ އަހަރުގެ އަހަރީ ރިޕޯޓް ހުށެނޭޅުމުގެ ސަބަބުން އެޓޯލް އިންވެސްޓްމަންޓް ޕްރައިވެޓް ލިމިޓެޑާއި ޓީވީ 5 ޕްރައިވެޓް ލިމިޓެޑާއި މެދު ފިޔަވަޅުއެޅުމަށް ޕްރޮސެކިއުޓަރ ޖެނެރަލަށް މިއަދު މޯލްޑިވްސް ބްރޯޑްކާސްޓިންގ ކޮމިޝަނުން ފޮނުވައިފިއެވެ.
ބްރޯޑްކާސްޓްކުރާ ކޮންޓެންޓަކީ ހުރިހާ އުމުރުފުރައަކަށްވެސް އެކަށީގެންވާ ކޮންޓެންޓްކަމުގައި ހެދުމަށް ހަނދާންކޮށްދީ
December 1, 2013
ހެނދުނު 06:00 އާއި ރޭގަނޑު 09:00 އާ ދެމެދު ބްރޯޑްކާސްޓްކުރާ ކޮންޓެންޓަކީ ބްރޯޑްކާސްޓްކުރުމުގެ ގަވައިދުގައި ވާގޮތުގެ މަތިން ހުރިހާ އުމުރުފުރައަކަށްވެސް އެކަށީގެންވާ ކޮންޓެންޓްކަމުގައި ހެދުމަށް މޯލްޑިވްސް ބްރޯޑްކާސްޓިންގ ކޮމިޝަނުން ހަނދާންކޮށްދީފިއެވެ.
އަހަރީ ރިޕޯޓް މިހާތަނަށް ހުށަނާޅާ ދެ ބްރޯޑްކާސްޓަރުންނަށް ރިޕޯޓް ހުށަހެޅުމަށް އެންމެ ފަހުގެ ތާރީޚް ދީފި
November 18, 2013
ތިރީގައި މިވަނީ މި ކަމާއި ގުޅޭގޮތުން އެޓޯލް އިންވެސްޓްމަންޓް (މޯލްޑިވްސް) ޕްރައިވެޓް ލިމިޓެޑް އަދި ޓީވީ 5 ޕްރައިވެޓް ލިމިޓެޑަށް މޯލްޑިވްސް ބްރޯޑްކާސްޓިންގ ކޮމިޝަނުން 07 ނޮވެމްބަރ 2013 ވަނަ ދުވަހު ފޮނުއްވި ސިޓީގެ މުހިންމު ބައިތަކެވެ.
މައްސަލަ ބަލާތީ، ނޮވެމްބަރ 17ގެ ހެނދުނު 06:00 ގެ ކުރިން “އަންދަލުސް” ދަރުސް ބްރޯޑްކާސްޓް ނުކުރުމަށް ހުރިހާ ބްރޯޑްކާސްޓަރުންނަށް އަންގައިފި
November 16, 2013
“އަންދަލުސް” ދަރުސް އަކީ މޯލްޑިވިއަން ޑިމޮކްރެޓިކް ޕާޓީގެ ކެނޑިޑޭޓަށާއި އެ ޕާޓީގެ މެނިފެސްޓޯއާ ގުޅުވައި ހަޤީޤަތާ ޚިލާފް ވާހަކަތަކެއް ހިމެނޭ ގޮތުން ފާޑު ކިޔާފައިވާ ދަރުސެއް ކަމަށް އިލެކްޝަންސް ކޮމިޝަނުން އެންގެވުމާ ގުޅިގެން، އެ މައްސަލަ ބަލައި ނިމެންދެން، ނޮވެމްބަރ 17 ވަނަ ދުވަހުގެ ހެނދުނު 06:00 ގެ ކުރިން “އަންދަލުސް” ދަރުސް ބްރޯޑްކާސްޓް ނުކުރުމަށް ހުރިހާ ބްރޯޑްކާސްޓަރުންނަށް މޯލްޑިވްސް ބްރޯޑްކާސްޓިން ކޮމިޝަނުން އަންގައިފި އެވެ.